寶軒印度餐廳

Open Now

Now Closed

我每隔一排都會想試下印度菜，因為我好鐘意食印度薄餅同埋重口味既印度香料雞今次又走去食下位置K11對面既印度餐廳Order:印度乳酪燒雞 $118瑪沙拉羊肉 $128烤全麥餅 $24芝士烤餅 $38自家製手工腰果雪糕 $48印度乳酪燒雞係鐵板上的，上菜時燒雞既香味非常吸引，香噴噴咁。燒雞外皮有少少焦位，呢d特別香口特別好味。雞肉唔算好幼稚，但一點都乾，味道好濃。另外有兩個醬，一個係薄荷醬一個係甜酸醬，個甜酸醬超好食，配上香濃既雞肉非常夾。瑪沙拉羊肉既味道亦都好好，佢雖然辣但無乜後勁，辣一下就完，所以食多都唔會覺得好辣。羊肉既味道都濃的，但唔算羶，肉質好腍好軟熟，配搭全麥餅黎食簡單一流。烤全麥餅千祈記得要趁熱食，因為熱既時間麥餅既香氣特別出，而且口感更煙靭。芝士烤餅都係我最愛啦，呢道既芝士無拉絲的，但都幾多同埋香，不錯不錯。令我一試難忘既就係自家製手工腰果雪糕，上菜時發現佢係一舊舊方磚形狀的，感覺係一口一舊。食落時好特別既味道，係先有好重既香料味道，搭配creamy既腰果雪糕，加上有d腰果粒，令到口感更加豐富，難以形容既好味。