星洲名廚 (Closed)

尋晚專登走入土瓜灣搵食，原定要去既餐廳休息，咁就唯有喺附近睇下有咩好食啦，見到呢間星洲名廚喺網上都幾多好評，一於試下佢!同男朋友分別叫左個厚切豬扒咖哩飯同埋雞扒黑蒜油撈丁，食物一上枱已經令我地嘩左一聲，豬扒同雞扒份量非常大，豬扒名符其實厚切，雞扒足有兩塊。先試試男友既咖哩飯，咖哩唔算太辣但香口，餸飯一流，豬扒雖厚切但一d都唔乾，外脆內軟。至於雞扒撈丁，麵質乾身，我自己本身就喜歡濕濕地既，雖然如此但味道仍然不錯，雞扒同樣做到外脆內軟效果，同為雞扒愛好者既我地都讚不絕口，睇返相先發現我地冇蘸到隨餐附上既醬，睇落應該係醋，不過份雞扒本身都充滿肉汁，所以當時都唔記得左要蘸醬喇~呢間餐廳值得encore，下次試下佢個喇沙先!