Video
Read full review
2019-03-10
1176 views
我人生食過最差嘅一餐法國菜一入到去啲侍應個個衣衫不整, 一眼就知道佢哋係嚟呢度打緊暑期工. 入咗半個鐘頭之後個經理竟然打畀我問我係唔係嚟緊, 下? 我入嚟嗰陣時你唔係已經問咗我係邊個咩?個裝修除咗個海景之外, 完全好似工廈區嘅餐廳咁. 真係唔係女朋友提我都唔知自己喺ifc. 啲侍應個個好似遊魂咁, 我自己嗰份頭盤嚟到嗰陣時, 見佢哋係我身後傳來傳去. 之後一句嘢都唔講就放落檯面中間位置, 問都唔問邊個食啲咩，跟住行埋嚟又放低兩隻碟，要我地同佢講我地叫左兩份唔同的頭盤，佢至知枱上果份頭盤係一人份。我叫咗個海鮮冷盤, 啲嘢唔可以話新鮮, 只可以話好似酒店buffet嗰啲 (絕對唔係五星級酒店嗰啲). 嗰個 cocktail sauce 個味道好似千島醬.食完頭盤，等左好耐至上湯，因為遊魂侍應只收走碟頭盤，無收走所有頭盤用的餐具。佢地以為我地未食頭盤，直至我地同佢地講已食完頭盤，才慌忙上湯。個龍蝦湯好似稀釋咗嘅金寶湯, 加埋一啲杰到唔會溶嘅sour cream. 又九唔搭八加埋啲三文魚子, 真係新奇到冇朋友.等咗成四十五分鐘, 主菜龍蝦先上. 個龍蝦好似 加啲啲芝士返熱頭先海鮮冷盤另外嗰半隻
一入到去啲侍應個個衣衫不整, 一眼就知道佢哋係嚟呢度打緊暑期工. 入咗半個鐘頭之後個經理竟然打畀我問我係唔係嚟緊, 下? 我入嚟嗰陣時你唔係已經問咗我係邊個咩?
個裝修除咗個海景之外, 完全好似工廈區嘅餐廳咁. 真係唔係女朋友提我都唔知自己喺ifc.
啲侍應個個好似遊魂咁, 我自己嗰份頭盤嚟到嗰陣時, 見佢哋係我身後傳來傳去. 之後一句嘢都唔講就放落檯面中間位置, 問都唔問邊個食啲咩，跟住行埋嚟又放低兩隻碟，要我地同佢講我地叫左兩份唔同的頭盤，佢至知枱上果份頭盤係一人份。
我叫咗個海鮮冷盤, 啲嘢唔可以話新鮮, 只可以話好似酒店buffet嗰啲 (絕對唔係五星級酒店嗰啲). 嗰個 cocktail sauce 個味道好似千島醬.
食完頭盤，等左好耐至上湯，因為遊魂侍應只收走碟頭盤，無收走所有頭盤用的餐具。佢地以為我地未食頭盤，直至我地同佢地講已食完頭盤，才慌忙上湯。
個龍蝦湯好似稀釋咗嘅金寶湯, 加埋一啲杰到唔會溶嘅sour cream. 又九唔搭八加埋啲三文魚子, 真係新奇到冇朋友.
等咗成四十五分鐘, 主菜龍蝦先上. 個龍蝦好似 加啲啲芝士返熱頭先海鮮冷盤另外嗰半隻咁樣, 韌到好似食擦子膠. 真係驚食多啖都會胃痛.
最後甜品係 creme brulee. 個custard 再杰d d就可以叫做蛋糕. 上面嗰浸焦糖厚到要大敲先至敲得穿. 同埋啲糖漿有燒得太耐燒到燶燶地有啲苦味.
四道菜冇一道係食得多過一半但係從來冇人問過我有冇問題. 叫咗個經理幫我埋單, 同佢反映咗餐廳服務同埋菜式有幾差.
個經理好有禮貌咁樣同我講希望我明白F&B 係一個好困難嘅行業, 佢都知餐廳仲有好多改進嘅地方同不足. 有啲同事連一個英文都唔識.
我好欣賞佢嘅老實與態度, 但係我都希望佢知道冇人逼佢做f&b嘅. 難道我搵錢唔困難嗎?
仲有一段小插曲，隔離枱個女士跌左件外套落地近一個鐘，完全無侍應幫佢執起或提佢跌左，到我地離座，件外套都留在地上，由此可見，呢間餐廳真係零服務。
海鮮拼盤
21 views
1 likes
0 comments
龍蝦湯
21 views
0 likes
0 comments
Lobster thermidor
20 views
0 likes
0 comments
Creme Brulee
23 views
0 likes
0 comments
Post
