The Point (Closed)

食過第一次 已經想再去第二次裝修佈置好有格局，兩個人安排坐細嘅二人枱，由於餐廳用嘅碟都算大，基本上叫三樣野 再加埋野飲，已經冇乜空位。不過食物質素真係會令你俾個讚佢，最好就係佢有啤酒 紅酒 白酒 cocktail供應，因為我份人係缺酒不可。。。。牛油什箘，唔乾身亦都冇苦味，吊下口癮嘅前菜，細細份 不過又岩岩好喎，始終茹類都係會有飽肚感。煙三文魚沙津，本身淨係叫ceaser salad，但見餐牌話加錢要個topping 煙三文魚or ham，果然冇揀錯，三舊煙三文魚都大大舊，咸度適中 幾新鮮。辣肉腸pizza，餅底唔係厚 但又未去到薄脆個隻，真心好食，好多汁 芝士溶得好好，辣肉腸個味咸咸辣辣 加埋佢d調味 真係飽都繼續食，配料另外仲有火腿粟米，兩個女人最後真係食哂成個批！個位就係咁啦，仲未放野飲我唔抗拒再去食第二次