Video
Read full review
2020-12-17
37 views
係佐敦放學,原本想話落上海街買D兩餸飯歸家,但食咗幾日兩餸,有D悶,醒起金鶴係旁邊,於是轉場買外賣拉麵.註:執筆之時仍然未解封,6點後禁止餐廳堂食,真無奈.... 0_0:打開個餐牌,限時推出嘅極濃蟹湯拉麵仍然存在,點咗一客.我對超濃嘅白雞濃底仍然念念不忘,無辦法唔點佢.有個奇怪習慣,總係覺得拉麵要配餃子,無咗佢唔夠完美,所以點咗一客餃子.最後點咗一份炸雞.叫外賣之前都有D擔心,怕佢用D普通膠袋包裝,怕倒瀉哂D湯,但金鶴好細心用紙袋包裝,好穩陣，外賣碗亦都印上自己餐廳名稱,攞到返屋企,一滴湯都無漏,乾乾淨淨!哩點抵讚要俾大大個 Like!打開個蓋,麵同湯係分開包裝,即刻試試蟹湯,一股鮮蟹味撲鼻,而蟹味濃郁,另外再試試更加濃郁嘅白雞湯,鮮雞味佈滿口腔,可以用誇張嚟形容,濃郁得太勁,但.... 雖然超濃郁,但味道啱啱好唔會話過咸.雖然係外賣, 而且經過長途跋涉, 拉麵係外賣碗內都砌得好精緻, 証明金鶴處理外賣都頗細心.拉麵彈牙,而最難忘係雞肉,入口超軟滑完全食唔出係雞肉.分分鐘.... 果件唔係雞肉添!餃子皮唔太厚,重有點脆口,炸雞入味而且 juicy, 滿意.望埋去以為碗拉麵份量唔多,
註:執筆之時仍然未解封,6點後禁止餐廳堂食,真無奈.... 0_0:
打開個餐牌,限時推出嘅極濃蟹湯拉麵仍然存在,點咗一客.
我對超濃嘅白雞濃底仍然念念不忘,無辦法唔點佢.
有個奇怪習慣,總係覺得拉麵要配餃子,無咗佢唔夠完美,所以點咗一客餃子.
最後點咗一份炸雞.
叫外賣之前都有D擔心,怕佢用D普通膠袋包裝,怕倒瀉哂D湯,但金鶴好細心用紙袋包裝,好穩陣，外賣碗亦都印上自己餐廳名稱,攞到返屋企,一滴湯都無漏,乾乾淨淨!哩點抵讚要俾大大個 Like!
打開個蓋,麵同湯係分開包裝,即刻試試蟹湯,一股鮮蟹味撲鼻,而蟹味濃郁,另外再試試更加濃郁嘅白雞湯,鮮雞味佈滿口腔,可以用誇張嚟形容,濃郁得太勁,但.... 雖然超濃郁,但味道啱啱好唔會話過咸.
雖然係外賣, 而且經過長途跋涉, 拉麵係外賣碗內都砌得好精緻, 証明金鶴處理外賣都頗細心.
拉麵彈牙,而最難忘係雞肉,入口超軟滑完全食唔出係雞肉.
分分鐘.... 果件唔係雞肉添!
餃子皮唔太厚,重有點脆口,炸雞入味而且 juicy, 滿意.
望埋去以為碗拉麵份量唔多,點知食完滿腹!
食完食淨嘅湯底,想飲都飲唔到,肚脹!唯有放入雪櫃留翻第二日用.
疫情期間,好多好好嘅餐廳都頂唔住消失,所以見到金鶴燈火通明感覺實在太好,而且味道無變,仍然噤濃郁!
呀! 忘記咗影佢地好禪嘅靚靚廁所!
Post
