Video
Read full review
2017-10-12
7046 views
上次晌銅鑼灣嘅「鉄人旨花」食過一次「廚師發辧」，確喺一次難忘體驗；最近，嚟到尖沙咀嘅「鮨一」，品嚐當造時令嘅魚生，亦喺一次難忘體驗，皆因睇住師傅切魚生、擺盤，已喺一種視覺享受。位處藍馬商業大廈18樓嘅「鮨一」，地方唔大，裝修主要喺日系淺木色嘅慣常配搭，表現出親民、暖和嘅感覺。記得訂枱就最穩陣，我哋都嚟得早，眼見已經坐滿晒。我哋訂枱時已要求坐晌吧位，既可欣賞師傅做菜，佢哋個嘅位枱面又比較深長。餐廳內嘅花巧嘅裝飾唔太多，較得意就喺吧位一角放置一大籃新鮮日本蕃茄、迷你招財貓、小型日本郵筒及狸貓仔。翻一轉餐牌，選擇多多，由佐酒小食、沙律、刺身、壽司、手卷、卷物、串燒、爐端燒、一品料理、揚物、炒飯、茶漬飯、冷麵、湯品、啤酒、清酒及汽水、梳打……等等，如居酒屋般應有盡有。而亮點嘅千層海膽飯就額外另一張餐牌列印出嚟，當日所見，為打卡又好，呃讚又好，抑或真正享受海膽嘅豐腴又好，確喺有唔少客人落單，我哋坐晌吧位，睇住師傅密密手唔停咁做。鮨一沙律 $128今次我哋主要目標喺刺身，所以，海膽飯就無刻意去試。先上場喺鎮店沙律，其實喺以魚生做底，內有好多魚生角切、八爪魚，再加埋蟹籽、沙律菜、日本蕃茄，所以，入口
位處藍馬商業大廈18樓嘅「鮨一」，地方唔大，裝修主要喺日系淺木色嘅慣常配搭，表現出親民、暖和嘅感覺。記得訂枱就最穩陣，我哋都嚟得早，眼見已經坐滿晒。
我哋訂枱時已要求坐晌吧位，既可欣賞師傅做菜，佢哋個嘅位枱面又比較深長。
餐廳內嘅花巧嘅裝飾唔太多，較得意就喺吧位一角放置一大籃新鮮日本蕃茄、迷你招財貓、小型日本郵筒及狸貓仔。
翻一轉餐牌，選擇多多，由佐酒小食、沙律、刺身、壽司、手卷、卷物、串燒、爐端燒、一品料理、揚物、炒飯、茶漬飯、冷麵、湯品、啤酒、清酒及汽水、梳打……等等，如居酒屋般應有盡有。
而亮點嘅千層海膽飯就額外另一張餐牌列印出嚟，當日所見，為打卡又好，呃讚又好，抑或真正享受海膽嘅豐腴又好，確喺有唔少客人落單，我哋坐晌吧位，睇住師傅密密手唔停咁做。
鮨一沙律 $128今次我哋主要目標喺刺身，所以，海膽飯就無刻意去試。先上場喺鎮店沙律，其實喺以魚生做底，內有好多魚生角切、八爪魚，再加埋蟹籽、沙律菜、日本蕃茄，所以，入口鮮味盡出，蕃茄清甜多汁。
八爪魚燒餅 $28喺八爪魚小丸子嘅燒餅版，燒餅煎好後，灑上大量紫菜及木魚碎，睇見都幾吸引。入口口感其實跟食小丸子嘅分別唔太大，粉粉軟軟，鹹鹹甜甜，不過，八爪魚粒唔多。
甲羅燒 $98 曾經晌尖沙咀嘅「浜燒」試過一次，知道都幾正，所以，就專登點嚟俾老友試。燒香咗嘅蟹肉連蟹膏，跟蛋黃溝埋一齊，再用嚟塗多士食，多士香脆，蟹膏甘腴，濃香而滑溜。食完，都仲覺得有一朕餘韻晌口腔盤旋。
特上錦繡刺身 $468、粒貝 $388、活北寄貝 $248是日嘅重點登場，就喺刺身，除揀咗個「特上錦繡刺身」外，仲有兩款師傅話新鮮返貨嘅粒貝及活北寄貝。睇師傅切魚生、擺盤時已見興奮，因為，砌得真喺靚，靚得像藝術品般。
8款刺身，各2切，包括有牡丹蝦、吞拿魚、油甘魚、黑睦、魚、鯛魚、加拿大海膽及日本鮮帶子。小弟就唔逐一評論，因為，食刺身都唔喺我嘅強項，不過，刺身色澤明亮，唔會暗暗啞啞，可以講「新鮮度」睇都睇得到；而整體而言，鮮甜味十足，要爽口有爽口，要油香有油香，要甘腴有甘腴，實在高質。
粒貝食落有啲似灼過嘅象拔蚌咁，軟軟腍腍，味道唔算好有個性，不過，充滿海水嘅鹹鮮味。
活北寄貝做壽司嘅北寄貝不時都有接觸，但新鮮貨就較少食，估唔到入口喺煙煙韌韌，卻又有種爽口嘅口感。
雖然，無上次食廚師發辧咁貴，但食時令嘅日本刺身，都一樣喺高消費項目。今次都好滿足，既能欣賞到師傅做菜嘅功架，又可以品嚐到高水準嘅出品，真喺有「鮨」勢，有實際！
Post
