Doodie Cafe Bar (Closed)

今天有事再到荃灣，路經一間小店，難忘佢美味的黑松露炒蛋熱狗同厚切牛舌。 小店在小路旁，唔難發現。店內幾溫馨，有大大個黑板寫滿字畫滿公仔。手工啤酒係小店其中一個賣點。我地都點左一款，味道較重，麥味好濃。最精彩的就是這double黑松露炒蛋熱狗。熱辣辣又鬆軟的包包上，有一層厚厚的、濃郁的黑松露醬汁。醬汁上有一份松露炒蛋，炒蛋嫩滑，充滑蛋香同松露油的香味。最上面仲有一小揖濃郁的黑松露醬汁。大大啖入口，一次過食哂甘多種食材，味道層次非常豐富，香氣可以留0係口腔中甚久。另一驚喜是厚切牛舌。牛舌的確切得好厚，而且份量都不少，有十多片。牛舌表面燒得脆脆的，裡面剛好熟透，容易咬開但仍嫩滑。牛舌品質亦不錯，牛味香濃，有足夠油脂。途經此店，兩款食物的驚喜感又再浮現，有機會要再去一下。搵返張單，五百蚊兩位，不貴。