Video
Read full review
2024-08-04
5418 views
今晚朋友帶我黎到尖沙咀THE ONE L3層一間意日Fusion餐廳品嚐晚餐正門只係一扇木門配上射燈襯托既木招牌，氣氛相當神秘。室內以矮腳Bar枱格局圍繞主廚位，可以觀賞整個烹煮過程，好期待呀今晚我地揀左2人8course Tasting Menu包含一味開胃小菜、兩款前菜、三款主食、兩款甜品。開胃小菜分為三小盤，當中左上為鯛魚刺身配王林蘋果柚子醋jelly,酸甜中帶鮮，幾得意既食法下為赤海蝦配福岡無花果+赤蝦餅，無花果同蝦刺身一齊食，估唔到又幾夾右上方係大閘蟹配水牛芝士最中餅，脆脆餅底加上香濃芝士蟹肉，超好味前菜1 牡丹蝦天婦羅蝦肉炸到脆口彈牙，加上青檸汁去左油膩感，唔錯前菜2 吞拿魚腩鮭魚子黑松露多士嘩！肥美吞拿魚腩同鮮味飛魚子夾埋香氣脆口既黑松露多士，三個字鮮鮮鮮，有種嘆緊日式high tea 既感覺，正主菜1 利沃內塞式烤穴子師傅話呢道菜要襯熱食先可以食到魚皮既爽脆，咬埋魚肉魚脂滲入味蕾，今次都係人生第一次食意大利盛產既白鱔，醬汁用左意式茄汁加上日式山椒味增及青柚子皮，多層次酸味，食得好開胃主菜2 日本A5和牛味增大根大廚精選A5和牛最靚部位，肉質7成熟岩岩好夠嫩，配上索哂秘製
正門只係一扇木門配上射燈襯托既木招牌，氣氛相當神秘。
室內以矮腳Bar枱格局圍繞主廚位，可以觀賞整個烹煮過程，好期待呀
今晚我地揀左2人8course Tasting Menu
包含一味開胃小菜、兩款前菜、三款主食、兩款甜品。
開胃小菜
分為三小盤，當中左上為鯛魚刺身配王林蘋果柚子醋jelly,酸甜中帶鮮，幾得意既食法
下為赤海蝦配福岡無花果+赤蝦餅，無花果同蝦刺身一齊食，估唔到又幾夾
右上方係大閘蟹配水牛芝士最中餅，脆脆餅底加上香濃芝士蟹肉，超好味
前菜1 牡丹蝦天婦羅
蝦肉炸到脆口彈牙，加上青檸汁去左油膩感，唔錯
前菜2 吞拿魚腩鮭魚子黑松露多士
嘩！肥美吞拿魚腩同鮮味飛魚子夾埋香氣脆口既黑松露多士，三個字鮮鮮鮮，有種嘆緊日式high tea 既感覺，正
主菜1 利沃內塞式烤穴子
師傅話呢道菜要襯熱食先可以食到魚皮既爽脆，咬埋魚肉魚脂滲入味蕾，今次都係人生第一次食意大利盛產既白鱔，醬汁用左意式茄汁加上日式山椒味增及青柚子皮，多層次酸味，食得好開胃
主菜2 日本A5和牛味增大根
大廚精選A5和牛最靚部位，肉質7成熟岩岩好夠嫩，配上索哂秘製蠔油同味增高湯既大根，入味到不得了，有驚喜
主菜3 巴馬火腿舞茸釜飯
大廚用左意大利Parma ham ，飯粒充滿火腿咸香鮮味
甜品1 無花果焦糖布丁
好開心我至愛既無花果又出現，焦糖布丁相當嫩滑，大廚精心加入紅酒調味，令布丁除蛋味以外滲出陣陣酒紅，女士必食！
甜品 2 四小味甜品
淨係睇個紅豆擺盤造型已經令我個甜品胃食指大動！4味分別包括鹿兒島紫芋若瑟布甸、Churros（吉拿棒）配Tiramisu、栗子可麗露及士多啤梨吉士撻
呢場意日fusion菜每個菜式都帶比我味蕾上既新驚喜，完全體驗到大廚對食物選材配搭同烹煮既用心，好值得黎一試😄
Post
