六榕仙館

Open Now

Now Closed

一行四人，友人話唔想食肉，所以決定去食素。雖然有四人餐選擇，不過四人餐內冇我地想食嘅嘢，所以最後揀咗可以有多款菜式選擇嘅三人餐，之後再另外叫啲餸或者飯、麵。三人餐（包︰一羹三餸）紫菜羹︰清清地，好好味。五柳仙斑︰芋頭味好香。正... 北菇西蘭花︰啲冬菇味好香，又夠厚身，我食咗好多粒。糖醋魚︰呢個有少少失望，可能我覺得啲『假魚』怪怪地啦，不過啲松子真係好好味，如果松子啲份量多過啲粟米粒會仲好啲囉！另外叫餸什錦齋︰呢個就去邊間都會叫嚟食咖啦！不過佢地果啲就冇出面有啲舖頭整得咁酸。但個人認為以而家呢啲咁熱嘅天氣，如果啲味再酸啲會開胃啲。羅漢齋炒麵︰啲麵脆卜卜咖，好正，不過一定要快啲食，如果唔係好快會『淋』哂。友人唔夠喉... 再叫餸（因一見到以下兩樣餸個樣好得，所以已經忘記影相lu...）芙蓉炒蛋︰嘩... 我平時好少食芙蓉炒蛋咖，因為出面好多都會炒到啲蛋好老。不過今次簡直另眼相看呀，啲蛋炒到啱啱好。 脆炸蜜瓜奶︰呢個真係好好味，平時唔多好甜品嘅我都食咗好多四粒咁多！