喜茶 (Closed)

同朋友食完飯，比人收碟催埋單，唯有搵下邊到可以坐低慢慢吹下水喇。一出門口見人拎住杯喜茶，同朋友互望左一眼，開著電話一搵，向city walk 出發！Yeah!雖然喜茶真係好多人熱捧，但我地一次都未飲過，今次終於可以會8一會佢喇！一去到，竟然係大排長龍？正！一睇餐牌，嘩！成50蚊杯，真係嚇死人，不過又有位坐，試下喇。嗌左杯限定嘅芝芝桃桃，同一杯多肉葡萄。兩杯都同樣有個芝士奶蓋，奶蓋咸咸地，好香濃，但唔會太滯，唔怪得啲人咁鐘意飲芝士奶蓋喇！桃桃，無咩特別，唔推薦，但葡萄就唔同喇！真係多果肉，同埋好清甜！推薦！😍