Video
Read full review
2008-02-24
17 views
又一個人0係銅鑼灣搵地方食lunch, 今日想食迴轉壽司, 諗起呢間未試過的新店, 入0黎睇睇. 可能因為太早0既關係, 全間鋪得我一個客人, 師傅同店員們都好似0岩0岩(目訓)醒, 見到我一個人11:45am 就食lunch 仲好似好驚訝咁-_-" 不過好快就有店員attend to 我, 先解釋因為新開所以未有menu, 要用住order 紙先, 又介紹自己等我有需要時搵返佢, 又幫我斟茶斟豉酒, 服務真係好得無0野好講!如常tick 返0個幾款0野, 主要想比較一下呢度同自己常去的同區板前/峰/淳壽司... 食完雖然無驚為天人0既感覺, 勝在即叫即整, 整體質素唔錯亦平均:- 手握壽司飯: bite size, 握得夠實, 唔會一夾即散, 意料之外; 亦欣賞入面有wasabi, 不過我覺得壽司醋落得唔係咁夠, 食落淡了少少.- 海膽手卷: 紫菜10 個脆, 海膽唔算好甜, 好在唔腥, 不過$25 算係咁啦. 好掛住壽司廣的海膽!- 牡丹蝦(一件): 肉幾爽, 雖然唔算好甜, 不過都新鮮, ok 的; 「烚熟蝦頭」內有少少膏可「撩」出0黎食, 都幾香.- 無筋中toro (一
如常tick 返0個幾款0野, 主要想比較一下呢度同自己常去的同區板前/峰/淳壽司... 食完雖然無驚為天人0既感覺, 勝在即叫即整, 整體質素唔錯亦平均:
- 手握壽司飯: bite size, 握得夠實, 唔會一夾即散, 意料之外; 亦欣賞入面有wasabi, 不過我覺得壽司醋落得唔係咁夠, 食落淡了少少.
- 海膽手卷: 紫菜10 個脆, 海膽唔算好甜, 好在唔腥, 不過$25 算係咁啦. 好掛住壽司廣的海膽!
- 牡丹蝦(一件): 肉幾爽, 雖然唔算好甜, 不過都新鮮, ok 的; 「烚熟蝦頭」內有少少膏可「撩」出0黎食, 都幾香.
- 無筋中toro (一件): 食落又真係無筋, 不過魚味一般, 食完都唔覺係toro, 不過呢個係最cheap 0個隻, 相信又唔可以太苛求...
- 三文魚腩: 呢個ok, 新鮮肥美, 魚味夠, 相信「三文魚癡」朋友K 會鍾意.
- 帆立貝: 呢個幾得, 新鮮爽甜, 仲幾厚肉, 好食!
- 油甘魚腩: 呢個好得, 新鮮豐腴, 味道濃郁, 食完成個口都係魚味, 推介!
- 瀨尿蝦天婦羅: 貪過癮叫的, 亦好後悔叫了-- 炸漿厚得不能接受, 仲要一d 都唔脆, 軟熟得似雞蛋糕(!!!), 唯有幫隻蝦「剝光豬」... 瀨尿蝦肉無味, 肉質亦因為本身比較散, 天婦羅效果幾差. 唔會再食!
食完之後先想叫蒸蛋, 但店員話因為即叫即整要等15 分鐘, 唯有打消念頭.
環境ok, 乾淨企理, d 位亦闊落, 坐得舒服; service 就如上地好, 埋單$159.50, 我俾$200, 找返0黎的亦竟然係兩樣$20 紙+ $0.50, 並無打散搏打賞, 希望佢0地可以keep 落去!
整體感覺幾好, 會考慮再幫襯!
離開時約12:30pm 路過板前, 如常地排晒長龍... 有時好唔明, 呢間新的絕對唔失禮, 雖然迴轉0黎講板前又真係唔錯, 但要排兩個鐘喎? 又或者香港人比較鍾意排隊啦.
Post
