叁去壹點心粉麵飯

Open Now

Now Closed

早排睇電視講過呢間小食店老板個個對食物都好有heart，於是今日同老婆黎試下。兩個人黎到見門口有人係到等，以為係等緊位原來係等外賣。入去見有位於是搭檯坐低，小店完全無裝修可言，而且都好舊，不過黎食野嗟，最緊要野好食。於是去入口旁攞點心。叫左排骨、雞扎、馬拉榚、蝦餃、叉燒腸同後加左碟乾牛河。先講排骨，排骨用既係新鮮貨，味道同出面食到既好唔同，反而有D似自己企屋整既味道，應該係少左師傅之故。雞扎雖然唔係老法用豬肚而係芋頭，不過雞好滑，冬菇亦好入味，芋頭我唔食既。馬拉榚好鬆軟，好味又唔太甜。蝦餃我係其他地方好少叫，因為動不動就係特點，貴得黎又唔好食。呢到既蝦餃比出面細隻少少，但皮較有彈性唔易破，蝦爽口。叉燒腿老婆至愛，加埋甜豉油好味。後加個炒牛河攞黎熱辣竦，芽菜條條都炒到好爽口，牛肉唔會好多粉，河粉亦沾滿豉油，味道唔錯。雖然地方好細，坐得好迫下，但個個老板招呼都好好，埋單仲唔使一百蚊，抵到爛。希望呢D有熱誠既小店能夠生存落去啦。