Video
Read full review
2016-12-05
271 views
我不嬲幫襯食肆，都唔會當自己係大帝，落單、俾錢，職員上菜etc都會講唔該，亦唔會要求魚旦的價錢，但要有酒店的水準。作為食店職員or老闆同食客，大家都係人，應該彼此尊重。呢晚就十一點幾好肚餓，見snack express比較近，又見到好似好多人幫襯，未幫襯過我的，咪落樓買個小食囉。黎到，鋪頭似乎就收檔(但條人龍仲係好長，無法! 火車站呢個時候係佢獨市，唔通行15分鐘去街市果邊咩？) 。落order話要「生菜魚肉碗仔翅」(menu有)，阿姐話「一係生菜魚肉」、「一係碗仔翅」。我一時反應唔到，明明menu有「生菜魚肉碗仔翅」，點解「一係生菜魚肉」、「一係碗仔翅」？我話，menu有wor。然後個阿姐至講，無啦! 賣曬。(我心稔，既然「一係生菜魚肉」、「一係碗仔翅」，甘唔係可以將佢地溝埋咩？) 事旦，叫左「生肉魚肉」。後來至知原來佢地趕收工，已經分「生菜魚肉」、「碗仔翅」入好曬外賣碗。再叫埋魚旦，阿姐問我要辣定唔辣。我話要辣，佢準備勺魚旦時(一秒時間)，我話都係唔辣(笑住)講唔好意思，然後個阿姐成塊面黑暗，勁大力在我面前好大力「cup」返隻紙碗，找錢仲勁-大-力-將-d-錢-掟-落-我-右-手-
呢晚就十一點幾好肚餓，見snack express比較近，又見到好似好多人幫襯，未幫襯過我的，咪落樓買個小食囉。
黎到，鋪頭似乎就收檔(但條人龍仲係好長，無法! 火車站呢個時候係佢獨市，唔通行15分鐘去街市果邊咩？) 。
落order話要「生菜魚肉碗仔翅」(menu有)，阿姐話「一係生菜魚肉」、「一係碗仔翅」。我一時反應唔到，明明menu有「生菜魚肉碗仔翅」，點解「一係生菜魚肉」、「一係碗仔翅」？我話，menu有wor。然後個阿姐至講，無啦! 賣曬。(我心稔，既然「一係生菜魚肉」、「一係碗仔翅」，甘唔係可以將佢地溝埋咩？) 事旦，叫左「生肉魚肉」。後來至知原來佢地趕收工，已經分「生菜魚肉」、「碗仔翅」入好曬外賣碗。
再叫埋魚旦，阿姐問我要辣定唔辣。我話要辣，佢準備勺魚旦時(一秒時間)，我話都係唔辣(笑住)講唔好意思，然後個阿姐成塊面黑暗，勁大力在我面前好大力「cup」返隻紙碗，找錢仲勁-大-力-將-d-錢-掟-落-我-右-手-度，係勁大力，係掟，作為一個食客，做左幾十年人，食過餐廳，周圍去「掃街」食野無數次，就算有時d人點rush都好，完全未試過有過甘難忘的用錢真金白銀去俾錢買野食，個感覺仲衰過乞。
我離開時，個阿姐勁無禮貌問我後面個後生仔食咩，要唔要醬，我後面個後生仔勁大聲同特登扯高把聲，好狠甘同個阿姐講要d咩。睇黎，對呢度d職員真係唔需要有禮。
「生菜魚肉」: 反到屋企，一打開個生菜魚旦，嗱嗱嗱! 我絕對「無」要多胡椒粉架！阿姐今次真係大贈送，史無前例勁多胡椒粉，成pat胡椒粉。恐怖。算! 撥走d朝椒粉。湯太少，咸，生菜好硬，無柔軟感，亦唔夠油份。魚肉少腥，唔算落太多粉好膠，但都唔係特別好味。份量ok多，如果唔理好唔好食，只求填飽個肚，$15都叫ok，甘填飽個肚，其實食個杯麵都ok，仲唔洗$15。
生菜魚肉
22 views
0 likes
0 comments
魚旦(不辣)
31 views
0 likes
0 comments
Post
