小食快綫

Open Now

Now Closed

超美味燒賣，醬油加辣油，燒賣質感軟軟糯糯，蒸得完全剛好，推介推介。這燒賣由細食到大。而家鋪頭細細，也是乾淨企理，衛生環境不錯。又可以用八達通。付款，適合趕時間的香港人。

今日早左到車站，架巴士仲有十分鐘先到大好機會，梗係食返個熱辣辣早餐先🛎 $10 燒賣8粒魚肉黎，頗大粒辣油味道唔錯，幾香👍🏻都幾彈牙🌐 環境/服務朝早都幾多人排隊不過好快排到，大家動作都好快手🤣

食開旺角，油塘都好好食碗仔翅，燒賣魚蛋腸粉不在話下，經過大埔，好耐有食過一次覺得好潔，同打芡打得好勁，成碗野鼻涕碗仔翅咁，魚肉又少食開都知份量係點！都唔知點解會差咁遠，係直頭可以結業大埔分店！到今日諗住幾年後會有改善，點知一樣咁難食！以為同一間公司水準會一樣，點知真係好難食。入面丫姐十問九唔應掛住吹水多過做野，我買一個碗仔翅同一支豆漿，可以15分鐘都未整到俾我，仲要豆漿都漏埋再提先俾返我。唔會再買大埔呢間！！！！

連鎖小食店好像沒什麼好說的但在碗仔翅內吃到這個，我不能肯定是什麼但我應該怎樣處理？這是小強的腳吧？但舖頭沒電話也沒電郵應該直接報食環嗎？評論要我寫80字但我覺得小強的問題，基本兩個字就夠了

火車站沿線， 宵夜總會有著落 ，係人都愛!魚肉翅、碗仔翅、燒賣、魚蛋、炒麵、格仔餅，雞蛋仔等...今次點咗:1) 一碗生菜魚肉2) 二碗碗仔翅雖然味道較鹹， 碗仔翅份量十足，好正!

人難免有時候都會想起兒時記趣，而我總會諗起食既一幕，走在路上憑著童年雞蛋仔的回憶終於遇上大埔地鐵站呢間小食快線完成我呢個回憶小時候既願望，我知道而家外面雞蛋仔出左好多變化眼花撩亂唔同口味，但係我又偏偏只中意原味，我就買左一包好好地品嘗下美食回憶， 黃金色又熱騰騰出爐既雞蛋仔渣係手上有蛋糕嘅香味即時就感覺口水都留埋加上好感動，每咬一啖都有滿足擠出效果咬落口感彈牙，外脆內軟，食落唔會滯，咁簡單一樣野竟然食玩又想再食啊!

街頭小食有好多，其中碗仔翅我成日食。但並唔係間間都足料好味道！碗仔翅是一種香港街頭仿魚翅羹小吃，其材料以粉絲為主，以澱粉將湯煮至濃稠，並加入老抽和生抽成棕色，冬菇絲和雞肉絲常被加入一起烹調，使湯羹的口感更為充實。進食碗仔翅時，可按個人喜好加入麻油、浙醋、白胡椒粉或辣椒油調味。 而我覺得最飽肚的碗仔翅就係「小食快綫」

燒賣都係麵粉做嗰啲啦，但係熱辣辣趁熱食又幾好味好煙un彈牙，加埋豉油辣油，佢啲辣油又唔會好辣搶左燒賣嘅味道。放工肚餓經過總會食一兜的豉油甜甜的唔會咸，食食下好快就食哂一兜嚕

香港街頭小食好多 小妹最鍾意食嘅都係燒賣😍😍😍😍但係香港人工貴舖租貴 本身好平既食物都賣得好貴🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️我最鐘意就係幫襯snack express呢到平靚正 真係好少地方仲有十蚊八粒啦呢到雖然都係“假”燒賣 即係麵粉做既但係佢用料都幾晤錯 竟然有彈牙既感覺😂😂同埋佢應該去貨去得快 無蒸得過淋既情況配合埋甜豉油同辣椒油 為我既morning打打氣😅😅😅

一直都覺得snack express 係一問良心小店雖然佢開係地鐵沿線 理論上可以收貴啲但其實佢收既都係合理價錢 有啲我仲覺得佢收得偏底添基本上每一次早餐時間都會大排長龍不過呀姨都好合作 基本上條龍都晤需要排太耐 我每次黎都會食十蚊八粒燒賣其實我真係覺得佢係良心價 依家就算屋村小店都做晤到甘平既價錢👍👍👍👍👍呢到既燒賣係正常份量 無話因為價錢問題所以細粒左燒賣本身只係一舊麵粉 貴野除外啦😆😆😆😆所以味道晤會有太大既分别反而我覺得佢火喉做得幾好 可以去貨去得快無過硬過冧既問題 感覺岩岩好多謝俾我用一個合理價錢用comfort food醫飽自己個肚😆

收工時間黎左大埔墟站搭車之餘順便醫肚，叫左$10 燒賣，食完都幾飽，不過燒賣有d太淋，冇乜魚肉香味，但當作餐前小食算係咁。另外，店員的甜醬，鼓油落太多啦，去到最後食左好咸。

番工番到好肚餓，黎到大埔墟站就忍唔住要食番啲野，叫左一個腸粉同埋一份魚蛋，每樣都係$10咋！腸粉仲要勁大兜，好好食呀。食左少少先自影相，但係原本係好多架！食完即刻飽晒。

大埔分店衛生非常之差，枱面長期都好污糟無人抹枱，導致有好多烏蠅飛來飛去，垃圾桶full左亦都無人換，真係令人反冑，食物味道是不錯的，但曾叫過碟炒面，上面有2隻蚊滋，衛生真係好差，自此之後都唔會再幫襯

相信大家宵夜食生菜魚肉湯就食得多，唔知早餐食生菜魚肉湯，你地又點睇？我每次買生菜魚肉返公司食，都會惹來不少羨慕嘅眼神😜事關在大埔墟火車站的小食快綫Snack Express一早就有得賣生菜魚肉（$16）了！因此如果咁啱嗰日我想食啲有熱湯又唔太飽嘅食物，外賣一碗生菜魚肉就啱晒。剛巧今早我就有少少掛住生菜魚肉湯，所以買咗一碗返公司食。通常去到買生菜魚肉，熟食店姐姐就會問你要唔要麻油、胡椒粉。如果唔鍾意食麻油、胡椒粉，當然可以選擇唔要啦！不過我個人就覺得麻油、胡椒粉簡直係生菜魚肉嘅靈魂！缺一不可！打開生菜魚肉的蓋，香氣撲鼻，先吃的竟然是我的的嗅覺😂麻油、胡椒粉的味道實在太香了！首先出場的一定魚肉，他們的鯪魚肉是厚切的，有鯪魚肉味，魚肉爽口彈牙。可是鯪魚肉沒有蝦米、蔥花，如果可以添加少許蝦米、蔥花，相信味道一定更好！生菜以熱鯪魚肉上湯溫熟，並且在碗內慢慢吸收湯內精華，生菜鮮嫩美味。生菜與鯪魚肉清湯一起吃，身體頓時暖起來了！

已經食咗好多次 但每次經過都忍唔住食 樣樣都咁好味 次次都要多醬 有燒賣 魚蛋 腸粉 生菜魚肉 碗仔翅 炒麵 格仔餅 雞蛋仔 我全部都鍾意食 😍yummy yummy 佢啲魚蛋好彈牙 燒賣有口感 生菜魚肉湯底一流 碗仔翅足料 雞蛋仔同格仔餅鬆軟香噴噴正呀 今日經過都唔例外要整番4條腸粉同1碗魚肉生菜 魚肉份量十足其實仲想買埋雞蛋仔 但係真係無能為力 食唔落買完番屋企車程都要15mins 但食嗰陣仲熱辣辣 番到屋企再加多啲胡椒粉 簡直係無得頂 15mins KO晒全部野