禹小籠 (Closed)

行過附近見到呢間店，就入去食晚餐啦。食完一肚火！叫左炒麵，小籠包，煎餃。哇，首先想問店鋪，係咪唔夠油用？3樣食物係極硬同乾。炒麵：一睇就見到乾爭爭，芽菜全生咁濟，插曬出碟外，見到外貌都知難食。味道正常，質地極乾又硬，咬得好辛苦，但因為好餓照食。大佬硬到乾芹咁呀。。。分數是0/5。小籠包：唔洗期望包內有汁，都係極乾同硬。味道正常。分數：1/5。煎餃：有肉汁，味唔錯。但皮厚，都係極乾。分數：3/5。食完真係嬲到震，我真係唔明點解會開到店做生意？然後我同朋友食完後個胃都頂住頂住咁又好多胃氣維持左成晚，估計可能係食物太乾，好似生吞咁，就頂住個胃。本黎食物難食，食到一肚氣都算。但食到個胃唔舒服，真係好嬲。所以必須反映一下。值得一讚係店員有禮貌，服務好。冷氣夠大。冇影食物相因爲本身食完就算冇下次，冇諗過上黎評論，但之後胃唔舒服就好嬲要上黎反映。