日嚐 (Closed)

去食嘢除咗睇好評之外，應該睇吓啲劣評先知龍與鳳。今天去咗間日式定食餐廳，點咗1. 炸雞配蕎麥麵套餐，真心炸雞夠脆無問題，但蕎麥麵係碎嘅，好似廚餘咁仲要一夾就散，無蕎麥麵本身嘅韌性，仲要完全無蕎麥味。曾經有人寫過話食到麻油香味，我完全體會唔到，而呢間餐廳只提供冷食蕎麥麵（Zaru Soba)，即係俾個裝有麵汁同wasabi嘅杯人去撈麵冷食，試問蕎麥麵汁又點會落麻油呢？唔通佢以為自己食出前一丁？連個冷麵汁都無鰹魚味，碟身又矮，啲汁好易賤出來，正常係用杯仔裝嘅，完全唔合格，同等價格嘅天丼嘅soba好食過佢好多。2. 叫咗杯飲品叫紫色世界，即係菠蘿梳打，但一飲，嘩好甜，然後叫佢俾杯水我，點知佢話無水提供。平時去食米線，食拉麵都有杯水，點解食Soba無水提供？甜到嘔又唔係平仲要無水飲真係不可接受。3. 最後樓面接客態度好差，大聲呼喝客人掃安心出行先俾入嚟，你好聲好氣大家都好做。有其他客仔不滿佢嘅態度掃都唔掃就走咗，點知個樓面職員仲同廚房職員哈哈大笑，話走咗仲好。見你咁委屈做生意同咁嘅食物質素真係要等多啲人知道。