翠華餐廳 (黃大仙中心北館) (Closed)

我係星期六午市幫襯黃大仙翠華嘅。我坐低舉手舉左好耐都無人幫我寫單。終於有人幫我寫單啦（佢態度好嘅），我叫個黑松露意粉，個侍應指指四周，話佢地都等左半個鐘，佢提我呢碟野要等半個鐘以上。咁我好肚餓，我唔等啦，我問佢有無常餐，佢話一樣要等好耐。我心諗：唔係嘛？佢話menu第一版果個咩豬軟骨魚旦米線最快。咁豉蛋啦，就呢個啦，好肚餓呀。等左廿分鐘，碗野終於黎。我係無期望嘅，都係想填飽肚啫。但比$55，連街邊普通魚旦粉水準都無。湯底，唔知乜湯底，似普通味精水；米線，林baebae，又少；魚旦，好鬼腥，仲衰過四海魚旦；豬軟骨，半舊，算正常味。以後唔會再幫襯翠華，又貴又難食。啲野唔掂，賣幾多廣告都係徒然。