Kuru Kuru自家製手作意粉 (Closed)

見幾多人幫襯，見佢話手打意粉就入黎試下叫咗個一個蕃茄意粉，一個白汁芝士雞加咗$15有埋湯沙律同飲品。全餐得個飲品同沙律係正常！首先，個湯一見到就反胃，成碗豆粉水，冇乜蘑菇味，忌廉更加欠奉，頂多係一碗蘑菇味芡汁。個意粉，勁淋，煮好放咗好耐咁，冇蛋味，似麵漿多啲，個汁又係冇乜味，死酸死辣，好後悔入咗黎食。手唔手打意粉，我分唔到，至少我食過嘅手打意粉唔係咁。7仔個叮叮肉醬意粉好食過佢一百倍囉。伏，一次就好夠。