我愛伊斯坦堡 (Moved) New Location

首先，入到去有個無乜禮貌既姐姐去招呼你。之後餐牌只有set dinner，每人最低消費$178（未加一），有廚師為你選擇既三款素菜加一款雞肉。我地一行八人，就揀左每人$200（未加一），五樣野。嘩！真係驚喜一浪接一浪。（由於事前book枱要落$500訂，無得退返，所以就難逃一刧）哩個雞，咸得黎，下面D飯好似糊仔咁。吾緊要！我忍！因為你係唯一一道真正既肉。之後，就黎左碟，成碟都係酸酸咸咸既椰菜沙律，仲有幾片蕃茄同幾條青瓜伴碟，真係不得之了！再之後，哩個真係唯一一碟放得入口既薄餅。終於，終於，覺得有樣野岩食喇！媽啊！佢係第二道肉，之後就無肉喇🤗再之後，就黎左碟薯仔加矮瓜，真係無特別既無特別！最後，就係一個餃子。一黎，以為好好食。一食完，除左好咸仲係好咸！好酸仲係好酸！食完一舊停晒手！以上五碟野，八個人，$1760，無得你揀食咩，廚師煮到埋黎就要食，野飲包一杯茶包沖既茶，加送無禮貌侍應。值吾值？你諗你喇，但我就絕對絕對同絕對無下次！多謝Openrice打手們，令我食左一餐畢生難忘既「美食」鼓起勇氣，比個劣評佢！