Video
Read full review
2021-08-06
1093 views
因為肚餓，呢間又未食過，所以就兩個人入咗去食。我做錯啲咩入左去。未點餐已放低三個麵包給我們，發現兩個麵包加一個朱古力碎cupcake,我冇預計過麵包時間有cupcake,附上紅莓味嘅牛油，有點夢幻的感覺。飲品：1)Chocolate milkshake,味道正常，特別在有一粒藥水味嘅車厘子做裝飾。2)Coffee milkshake,甜味正常，有ChocolateBrownie做裝飾，外面比較淋，入面想佢再煙韌d。食物：1)Lobster crab and shrimp salad, 用雪水醃製的龍蝦，蟹殼碎比較多的蟹肉加上剛好把蟹肉黏在一起的清淡水味醬汁，海鮮下面鋪上2cm厚沒有調味， 切成¼圓形的新鮮生菜，再圍上3種不同的新鮮無添加調味蕃茄。男朋友想加鹽在番茄上，但鹽樽冇鹽出，為咗展示我賢淑嘅一面，我幫手扭開咗個蓋，oh! 兩隻手加一枱都係鹽，但我驚訝嘅係，d鹽係高出左個鹽樽頂一個銀蓋咁高，係點入落去㗎，高手嚟。天氣潮濕姐，做咩大驚小怪。2)Wild mushroom and truffle risotto, 睇落正常野呀，俾咗原隻蘑菇佢食，佢西咗我面，話隻菇做咩咁多水，叫我快d試
未點餐已放低三個麵包給我們，發現兩個麵包加一個朱古力碎cupcake,我冇預計過麵包時間有cupcake,附上紅莓味嘅牛油，有點夢幻的感覺。
飲品：
1)Chocolate milkshake,味道正常，特別在有一粒藥水味嘅車厘子做裝飾。
2)Coffee milkshake,甜味正常，有ChocolateBrownie做裝飾，外面比較淋，入面想佢再煙韌d。
食物：
1)Lobster crab and shrimp salad, 用雪水醃製的龍蝦，蟹殼碎比較多的蟹肉加上剛好把蟹肉黏在一起的清淡水味醬汁，海鮮下面鋪上2cm厚沒有調味， 切成¼圓形的新鮮生菜，再圍上3種不同的新鮮無添加調味蕃茄。男朋友想加鹽在番茄上，但鹽樽冇鹽出，為咗展示我賢淑嘅一面，我幫手扭開咗個蓋，oh! 兩隻手加一枱都係鹽，但我驚訝嘅係，d鹽係高出左個鹽樽頂一個銀蓋咁高，係點入落去㗎，高手嚟。天氣潮濕姐，做咩大驚小怪。
2)Wild mushroom and truffle risotto, 睇落正常野呀，俾咗原隻蘑菇佢食，佢西咗我面，話隻菇做咩咁多水，叫我快d試。哦，水煮完咪放入去d飯兜兩下咪上得碟囉。講明係wild 又唔係dry,嗰頭比較潮濕嘛，但點解d水得水味冇菇味？
再試埋個飯，好有親切嘅感覺，諗起我第一次煮risotto 嘅時候,憑着感覺及幻想煮出的米，外表圓潤可愛，內裏堅硬不屈。
3)Buffalo chicken wings,呢個ok 喎，對比起上嚟簡直好食，係個芝士汁稀左d。
甜品：
1)Chocolate brownie,個焦糖醬太多，令每一啖嘅brownie 都食唔到朱古力味，太甜啦，不過佢好大件，兩個人分享都足夠。
2)甘荀蛋糕，好巨型，我被嚇到了。試了一些上面黃色的部份，甜，好甜，不得了，係甜味劑嗎？好，我食下面果d，充滿合桃碎加上濕潤的蛋糕，我想講好好食，但我實在唔想再擺入口啦，完全冇甘筍味，全部都係甜到不得了。有福同享，所以我分享左一舊俾我男朋友，佢同我講唔好再食啦，唔係我哋浪費食物，係個廚師浪費食材。共$200嘅甜品呀，我從來未試過唔想食甜品。
呢餐共$958，待應係好好嘅，不過廚房換人啦，我唔比tips係因為太難食啦。你地隔離嗰三間餐廳好食好多囉，係得個裝修見得人。
本來係男朋友請食飯，不過今次我出一半，因為有難同當，唔好佢一個人受曬。
Wild mushroom and truffle risotto
19 views
0 likes
0 comments
Buffalo chicken wings
11 views
0 likes
0 comments
甘筍蛋糕
$98
12 views
0 likes
0 comments
Post
