119韓國站 (Closed)

呢間餐廳星期一至日都大排長龍，今日5:40pm去攞飛，期望試試有咩咁巴閉! 誰知，中伏了 先來個水冷麵$48，湯底係清水加酸冰，麵質黏埋，唔滑唔爽。出名嘅芝士炸雞 $198，賣相唔錯喎，點知...炸雞平平，上面嚌了甜忌廉，下面芝士汁水流流太淡，中間有堆酸酸地嘅甜蕃薯，整體味道，怪! 咖哩芝士年糕$58，十條年糕數得哂，加一個普通咖哩汁。芝士焗茄子，賣相也不錯，點知，一口食啖茄子..."宿"咗，天氣太熱啦，話俾服務員，佢係到"聞"話無"宿"，可能你哋食唔慣呢種味...請問這個餸有咩咁特別? 唔通你啲食物就是"宿"味?! 牛肉拌飯$88，正正常常，牛肉粒粒大個花生小小，服務員企係到炒，但佢應該係唔識煮嘢，咁細粒嘅牛肉唔洗煎咁耐啦，但佢又忽略了鐵板上的飯及其他材料，點知聞到燶味，唉…最後一條燒鯖魚$88，是全條的，不錯喎，但是燒的，為何魚皮是濕的，好腥，一啖超喊，一啖淡口，仲見粗鹽粒係魚身...雖叫了一枱食物，因好肚餓就硬著頭皮食，但真的很難食 總結: 食得意，食賣相，食韓風，食裝修，食吵耳的韓國歌，如你肚餓就唔好去，要排隊食更會一肚氣。