老川堂 (Closed)

叫咗粉皮涼拌豬耳，中麻大辣。未試過食咁難食嘅涼拌粉皮一般涼拌啲粉皮唔入味我都好理解，但係唔知點解啲汁都係冇味又冇鹽。最離譜就係啲豬耳黐埋一舊舊好明顯係隔夜（附上圖片，大家自己品）食落去啲豬耳好鹹感覺似雪藏咗好耐，咬落去已經硬到好似擦膠咁，仲要係發黑添（我冇用濾鏡影係食物原本顏色）粉皮啲口感好似硬化左嘅啫喱咁仲有少少脆脆地，簡直就係地獄……裏面啲菜譜簡直鹹到懷疑人生⋯⋯用咗OpenRice咁多年第一次寫食評，難食到一定要評論宜家呢個時勢開舖雖然係好艱難，但係咁求其去製作真係忍唔住要評論。