栢檔極品海南雞飯

Open Now

Now Closed

大約下午四時多，和家人經過淘大看到想試一下特色海南雞，見座位幾多，但枱面都是之前客人走後還沒收的碗碟，職員很多，但都在吹水，我們坐低五分鐘都冇人理會，要我地講叫先有人攞餐牌過嚟，仲係態度好差，覺得我地打擾他們吹水!一行三人，看過餐牌分別點了海南雞餐,肉骨茶，元碲餐，當然還是要三推四請先有人過嚟落單。落完單，等了十五分鐘左右，海南雞餐先到，另兩碟菜也到(油菜好零碎，好似屋企擇出嚟掉棄部份) 。海南雞一般，只有四至五件，但肯定不是新鮮雞，因為食到雪味，油飯只有油味，冇香味；再送來就是元碲餐，一看整碟好零碎，四塊左右，最嚴重是皮比肉多，可以講根本冇肉，好難想像五十幾蚊只有幾塊皮的飯餐，這也是跟油飯；最後來了肉骨茶，是三個中比較好的，相比之下，這個比元碲多很多肉，湯料幾多，但湯味普通，沒有肉骨茶獨特的香味，只似一般豬肉湯。好老實，以這食物質素同服務態度根本不值這個價錢，可能有客人都係因為連鎖店帶動，但我哋就一定唔會再惠顧，根本是俾錢買難受，還有，當晚我和另一家人都肚瀉，心想就知道那衛生情況是怎樣吧，希望沒有其他客人也這樣吧！