Video
Read full review
2010-11-08
3 views
同友人去The One本來想睇戲, 冇戲好睇就搭電梯落去搵食, 好快就見到六本木, 裝修唔錯, D 食物sample好似幾正咁, 似足麻布茶坊, 諗住一試無妨, 點知食到心情都down埋...打開餐牌見食物種類唔算多, 套餐以外的小食絕大部份係炸物, 應該炸功有番咁上下卦, 友人節食中, 我地只點了一主菜兩小食, 算係不幸中的大幸!牛油果沙律: 中規中矩, 份量不多, 較少汁.野菜天婦羅: 劣到驚, 厚炸漿, 超多油, 友人用左幾張tempo都索唔哂咁多油, 街邊煎釀三寶都不如, 個汁亦唔掂.芝麻汁中華冷烏冬: 賣相差, 汁太稀, 浸住d烏冬, 冇芝麻味, 腸粉D麻醬仲有味過佢, 配料竟有出水生菜絲, 味道中下, 浪費左個彈牙既烏冬.望見隔離枱既炸物底紙都係油, 真係好想投訴! 今時今日咁既食物質素, 真係要打pat pat!服務方面似快餐店, 唔主動唔友善, 我地坐近室外位, 個經理係我個頭旁邊不停拉D坐枱廣告牌, 好滋擾&有塵, 極唔細心!真係好耐都冇食過咁差既日式西餐, 唔俾喊都唔得囉!
打開餐牌見食物種類唔算多, 套餐以外的小食絕大部份係炸物, 應該炸功有番咁上下卦, 友人節食中, 我地只點了一主菜兩小食, 算係不幸中的大幸!
牛油果沙律: 中規中矩, 份量不多, 較少汁.
野菜天婦羅: 劣到驚, 厚炸漿, 超多油, 友人用左幾張tempo都索唔哂咁多油, 街邊煎釀三寶都不如, 個汁亦唔掂.
芝麻汁中華冷烏冬: 賣相差, 汁太稀, 浸住d烏冬, 冇芝麻味, 腸粉D麻醬仲有味過佢, 配料竟有出水生菜絲, 味道中下, 浪費左個彈牙既烏冬.
望見隔離枱既炸物底紙都係油, 真係好想投訴! 今時今日咁既食物質素, 真係要打pat pat!
服務方面似快餐店, 唔主動唔友善, 我地坐近室外位, 個經理係我個頭旁邊不停拉D坐枱廣告牌, 好滋擾&有塵, 極唔細心!
真係好耐都冇食過咁差既日式西餐, 唔俾喊都唔得囉!
Post