生原創(蛋包飯)

Open Now

Now Closed

食牛肉蛋包飯個炒飯係炒燶曬嘅，食落口一陣燶味，有時食到嘅飯焦唔係日式炒飯有焦香味嘅type，係燶&苦&臭。啲牛肉少到成個飯食得幾塊碎肉片，無肉味嘅肥牛片整碎，居然有筋之餘又要嚡。最後係個白汁，完全冇味，就咁食都試唔到有味。成個炒蛋包飯連汁好似無落鹽咁，無味道，得燶豉油炒飯味。態度方面，入去時舖頭一個人都冇，諗住坐入啲嘅時候個老闆叫住我：「坐嗰張枱吖」，係都要人坐近門口位攬客。問其：「有冇tissue呀唔該」，之後眼啤啤無回應拍個紙巾盒擺係枱，見店舖裝修咁有日本風格，本來以為個店員or老闆咁串係嗰啲日本工匠硬掘掘嘅藝術家feel。諗住態度呢家嘢其實都冇咩所謂，甚至有啲期待味道應該好出色。蛋包飯望落好得，食落口一陣囉味，原來唔係職人魂，係得態度臭串啫。味道好嘅話串都算啦，點解可以係難食㗎呢。