慢煮工業 (Closed)

好多年前，呢間最初開嘅時候，我食過一次，嗰陣係幾好食嘅，但宜家嘅水準非常差，我唔會再去。叫左個天使麵，個面煮得太淋，味道正正常常，但份量太細。仲叫咗個油封鴨髀，好乾，一啲都唔好食。最接受唔到係配菜舊薯仔，完全係生嘅，又硬，根本食唔到。仲叫咗個牛扒，慢煮完理論上應該會唔硬，但佢拎上嚟嘅時候，好明顯已經過數，肉質又硬，肉味欠奉，總而言之，就係差。Pizza 就正正常常，係博底，但我唔鍾意千島醬，佢餐牌上又冇寫，所以我覺得一啲都唔好食。總之，我唔會再去呢間度食，亦都唔推薦大家去食呢間，如果想食牛扒嘅，香港仲有好多好嘅選擇。