Ruby Tuesday (Closed)

已經一早打電話訂枱，時間8:45p.m.，我哋8:40p.m準時到達，但職員叫我哋再出去行街多陣，因為未能比到枱我哋，我無理佢說話，就係門口等la 。等咗半小時先有位，很可惜我唔知道座位腳下有一大堆溶咗雪糕，攪到對鞋𣲷黐黐;-{好辛苦才叫職員清理地方，當晚它極之太好生意及唔知係唔係有關用恒生咭有優惠，食物質素好差，什至難食到唔記得影相ge茄汁蜆肉扁意粉。意粉份量同蜆肉係好多、但麵又腍，全碟又無味又唔熱，唉....好失望。好笑有個充滿信心職員走埋嚟問啱唔啱食，好唔好味？我話佢知茄汁蜆肉扁意粉又腍又無味又唔熱，佢時運高，有客Order，佢即閃，埋單時亦冇再提。＊我哋都係用恒生咭優惠埋單