Bistro Bloom (Closed)

一放假就食唔停！相約朋友去食個tea，傾下計，太開心喇！Bistro Bloom個afternoon tea set都算幾抵食，咸點有酥皮批，兩款口味嘅bruschetta，我覺得煙三文魚比較咸咗少少，唔係好食到個citrus味。甜點都有好幾款，有creme brûlée, mixed berry tart, macaron, 奶凍同埋chocolate nut cake。我覺得個crime brûlée 同mixed berry tart都不過不失，唔算好有驚喜。Macaron就唔會太甜，食完一粒都仲會想食第二粒，都幾好。個chocolate nut cake食到有d無花果嘅味，又有d果仁粒，都幾得意呀，朱古力味唔係太濃，如果朱古力味再重少少就好喇。我哋仲額外叫多份薯條添！熱辣辣，有三個醬可以點，有truffle mayonnaise，茄汁同埋mustard，三個醬點薯條都好食，我哋都係鍾情於truffle mayonnaise，好快就食晒喇！今個afternoon tea好滿足呀！