Video
Read full review
2019-11-19
207 views
Foxglove 位於中環都爹利街印刷行二樓，餐廳由設計名師 NC Design & Architecture 工作室所設計，沿途你會見到好多以金屬同銅鑄造而成嘅遮柄，門口冠冕堂皇，入口兩旁嘅玻璃櫃內擺放住唔同款式嘅雨遮，而呢啲遮都係由成立於 1868 年英國經典雨傘品牌 Fox Umbrella 嘅出品，以全人手製作見稱。擺放喺陳列櫃內嘅雨遮不單止可供購買，客人更加可以按照自己嘅需要同喜好進行訂製，而且每一把都終生保用。Foxglove 既係雨遮店，同時亦係一間餐廳，造成陳列櫃一般嘅暗門個機關就收埋喺隔離個遮筒入面，打開後喺耳邊縈繞嘅係躍動嘅爵士樂，感覺既新奇又有誠意。入到餐廳望到近百年前嘅頭等艙設計，令我諗起經典電影鐵達尼號，呢間餐廳總共分成三個部份，當中包括一個以飛機頭等艙作為主題，設有吧台同埋能夠容納 80 人嘅大廳、一個以傳統火車頭等艙作為靈感設計，能容納 30 人，特別為款待貴賓而設嘅 V.I.P 房、以及一個用來款待非常重要人物嘅秘密貴賓V.V.I.P.房，裡面擺放住幾張豪華真皮座椅、書櫃同埋大理石吧台，不禁令我幻想自己係一位機智多謀嘅「金牌特務」，同電影中嘅主角喺特務巢
Foxglove 位於中環都爹利街印刷行二樓，餐廳由設計名師 NC Design & Architecture 工作室所設計，沿途你會見到好多以金屬同銅鑄造而成嘅遮柄，門口冠冕堂皇，入口兩旁嘅玻璃櫃內擺放住唔同款式嘅雨遮，而呢啲遮都係由成立於 1868 年英國經典雨傘品牌 Fox Umbrella 嘅出品，以全人手製作見稱。擺放喺陳列櫃內嘅雨遮不單止可供購買，客人更加可以按照自己嘅需要同喜好進行訂製，而且每一把都終生保用。Foxglove 既係雨遮店，同時亦係一間餐廳，造成陳列櫃一般嘅暗門個機關就收埋喺隔離個遮筒入面，打開後喺耳邊縈繞嘅係躍動嘅爵士樂，感覺既新奇又有誠意。
入到餐廳望到近百年前嘅頭等艙設計，令我諗起經典電影鐵達尼號，呢間餐廳總共分成三個部份，當中包括一個以飛機頭等艙作為主題，設有吧台同埋能夠容納 80 人嘅大廳、一個以傳統火車頭等艙作為靈感設計，能容納 30 人，特別為款待貴賓而設嘅 V.I.P 房、以及一個用來款待非常重要人物嘅秘密貴賓V.V.I.P.房，裡面擺放住幾張豪華真皮座椅、書櫃同埋大理石吧台，不禁令我幻想自己係一位機智多謀嘅「金牌特務」，同電影中嘅主角喺特務巢穴入面進行秘密會面。
餐牌由深藍色嘅皮套包住，格調高雅，同梳化上嘅用色首尾呼應。
前菜係欖角四季豆，欖角嘅味道同四季豆從來都係絕配。
麻辣牛腱，麻辣牛展辣度溫和，雖然看似一盤紅油，但係食落一啲都唔會覺得油膩，並帶著點點嘅麻香，牛展以薄切呈獻，口感很好。
陳醋燒香菰，切粒嘅香菰先以走油泡製，呢一下嘅走油令到個菰嘅口感有少少似肉類，醬汁味道酸酸甜甜，帶有陳醋嘅餘韻，同有啲似肉類嘅香菰非常配襯。
花雕粉絲蒸阿拉斯加蟹肉，新鮮阿拉斯加蟹腳，啖啖肉得嚟味道鮮甜，用少少花雕清蒸，最能夠食出蟹肉嘅鮮味。
酥香惹味豆豉雞，傳統嘅豆豉雞以極精緻嘅賣相呈現，香脆嘅外層包住嘅係嫩滑嘅雞肉，喺雞肉嘅罅隙中充斥九層塔，顛覆咗豆豉雞一貫俾人嘅印象。
素蟹粉炒蛋白，素蟹粉以鮮甜嘅甘筍造成，甜美嘅程度絕不比真正嘅蟹粉遜色，蛋白無落到太多油去炒，但係仍然能夠做到滑溜嘅口感，美妙。
香蔥和牛炒飯，和牛炒飯炒得乾身，飯粒粒粒分明，和牛嘅油香均勻咁樣撒滿喺每一粒炒飯上面，係一個充滿罪惡感但係又令人相當滿足嘅炒飯。
甜品一共有三款，分別係黃金脆奶卷、玫瑰棗皇糕以及狀元湯丸，個人覺得黃金脆奶卷做得最出色，脆奶卷嘅外皮酥脆，有少少似酥皮蛋撻嗰層皮咁樣，內餡牛奶味道香濃，甜度亦係我鍾意嘅程度；棗皇糕口感煙韌，紅棗嘅味道較重，配以少少清香嘅玫瑰味，有夠特別。
Foxglove 俾人一種容易親近，但係又不失紳士專屬嘅神祕風采。Foxglove喺呢度建構咗一個祕密嘅享樂天堂，但係又唔再需要有咁多門檻，只要有顆高貴奢華玩樂之心，就能達成。
Post
