黑瀧板蕎麥專門店 (Closed)

晚飯時段世貿中心幾乎間間食店都排晒長龍，唔想等位，咁啱見到呢間無咩人排隊，就即管試下呢間蕎麥麵專門店。餐牌上有「江丹別」、「田舍」、「更科」及「知床」四款蕎麥麵，本身對蕎麥麵沒有太多認識，所以選了個三色蕎麥麵，可以嚐試三種口味。三色蕎麥麵 － 店員介紹蕎麥麵的食法，先來混醬，把薑蓉、葱粒、日本芥辣及醬油混合再放入蕎麥麵。可惜醬汁味道太濃，完全蓋過蕎麥麵的味道，冰冷的麵條亦太過黏口。食完一輪後，店員會奉上蕎麦湯，但清湯味道很單調，還是混醬油來食好了。煮蜆 －店員說沒有大蜆所以改用細蜆，湯的味道幾清甜，但蜆太細，口感唔夠，亦唔能夠吸到湯的味道。燒尤魚－原條燒尤魚，尤魚圈有咬口又不會太韌，不錯！溫泉蛋包－溫泉蛋外層被炸至金黃色，上面放着三文魚子同黑魚子，外型就似寿司一樣，賣相討好，外面煙煙韌韌，內裏的溫泉蛋十分柔軟香滑，加上魚子味道很有驚喜，值得推介。雖以專門店自居，但蕎麥麵做得不算出色，小食好像更為吸引。