津一 (Closed)

收工先大風大雨，衫褲鞋都滴水，走入商場避一避順便食個飯。好耐都無去荃豐中心，發現最底層唔同左，多左餐廳同位置可以買外賣晌度食。 今次揀左津一試下🥰都有好多選擇！.  淋完雨想食啲熱湯，所以就叫左酸辣湯雲吞同鴨湯麵。  .  酸辣湯雲吞  雲吞係自家制，多菜少肉，感覺幾健康。一碗有四大粒，全部都係爆餡。酸辣湯比坊間一般較特別，有豆腐、荀、雲耳同豬肚，都幾足料而且偏辣。食完成身暖曬!  .  鴨肉湯麵 無羶味反而幾香，好細心地去左骨，啖啖肉。湯底清清地無味精，食完都無口渴。. 仲附上自家制辣椒油，幾香口，唔係死辣。