Video
Read full review
2008-07-21
25 views
得知茶園既甜品自助餐,由七月頭至八月尾以雪糕為主題,身為雪糕癡既雪儀就梗係要試下啦!未夠八點已經可以入座,但係自助餐到八點先正式開始。攞野食之前先逛一逛,發覺真係好多好多選擇,一角係的骰迷你杯類,一角係芝士,一角係生果,一角係蛋糕,一角係中式甜品,一角係法式杏仁蛋白餅同朱古力,一角係雪糕同雪葩,一角係雪糕類甜品(例如雪糕蛋糕等),一角係即製甜品(包括雪糕意粉,雪糕三文治,窩夫,梳乎里),仲有朱古力噴泉(包括牛奶朱古力同白朱古力),而鹹點就係龍蝦湯同埋焗三文魚火腿卷。由於甜品種類真係多不勝數,雖然我除左迷你杯同中式甜品,幾乎所有都試勻,仲會encore,但係真係寫唔晒咁多,雖有推介幾款favourite啦!由於主題係雪糕,所以一定要寫,當日有五款,芒果乳酪雪糕係最普通一款,但係好好味,因為充滿芒果香,係令人覺得好新鮮果種;桂花杞子雪糕雖然係第一次見亦係第一次食,但係我一食就好鍾意,翻食左四五次,因為佢好清,好香,仲有粒粒杞子;火麻仁雪糕味濃,有好多實實一粒粒既火麻仁,好似食餅咁,我無咁喜歡;蜜桃香檳雪葩夠特色,好香,甜甜地,估唔到真係食到少少酒味,係我第二至愛;椰子雪葩有香,但我唔喜歡呢
未夠八點已經可以入座,但係自助餐到八點先正式開始。攞野食之前先逛一逛,發覺真係好多好多選擇,一角係的骰迷你杯類,一角係芝士,一角係生果,一角係蛋糕,一角係中式甜品,一角係法式杏仁蛋白餅同朱古力,一角係雪糕同雪葩,一角係雪糕類甜品(例如雪糕蛋糕等),一角係即製甜品(包括雪糕意粉,雪糕三文治,窩夫,梳乎里),仲有朱古力噴泉(包括牛奶朱古力同白朱古力),而鹹點就係龍蝦湯同埋焗三文魚火腿卷。
由於甜品種類真係多不勝數,雖然我除左迷你杯同中式甜品,幾乎所有都試勻,仲會encore,但係真係寫唔晒咁多,雖有推介幾款favourite啦!
由於主題係雪糕,所以一定要寫,當日有五款,芒果乳酪雪糕係最普通一款,但係好好味,因為充滿芒果香,係令人覺得好新鮮果種;桂花杞子雪糕雖然係第一次見亦係第一次食,但係我一食就好鍾意,翻食左四五次,因為佢好清,好香,仲有粒粒杞子;火麻仁雪糕味濃,有好多實實一粒粒既火麻仁,好似食餅咁,我無咁喜歡;蜜桃香檳雪葩夠特色,好香,甜甜地,估唔到真係食到少少酒味,係我第二至愛;椰子雪葩有香,但我唔喜歡呢陣味。另外有一款唔係自己畢而係一個個既檸檬雪葩,類似坊間都有果d,無乜特別。
雪糕甜品方面,最好味係榛子瑞士卷雪糕蛋糕,基本上似蛋糕多過雪糕,其實係朱古力瑞士卷,不過忌廉改左係雪糕(粉紅色,食唔出乜味,但肯定唔係士多啤朵,可能係紅莓果類),外圍舖滿晒榛子,又香又美味又增加口感,所以呢個我encore,不過原來encore左會好漏;杏仨酒雪糕球唔係一球球,又係似蛋糕,無酒香,少杏仁味,質感似忌廉,唔似雪糕,好怪,淨係面頭朱古力醬好味d;朱古力配呍呢拿雪糕蛋糕都唔錯,係雪糕比例較多既一款,不過味道就普通左d;葡萄乾開心果班㦸雪糕好特別,上層係開心果雪糕,下層係葡萄乾雪糕,然後有層班㦸包住,上層好重開心果味,反而下層無乜葡萄味,但真係有一粒粒葡萄乾食,呢個都食左幾次。其實我覺得咁多款雪糕甜品中,大部分既雪糕比例太少,好多時似食蛋糕多過糕,呢點唔係太好。
雪糕意粉都值得試下,廚師即時將雪糕放入一部機,壓一壓,就出左一條條意粉狀既雪糕,滑滑咁,不過要快d食,因為好快溶。
至於其他推介,我覺得必食紅豆綠茶蛋糕,因為好少食到咁濃綠茶味而又咁鬆軟既蛋糕,紅豆忌廉內仲有粒粒紅豆,勁好味!鐵觀音茶奶油朱古力紅莓蛋糕係特別,但好漏好漏,而且無茶味,朱古力味蓋過晒,試少少好喇;杏仁芒果蛋糕好濃芒果味,有芒果肉,芒果迷必試;香焗藍莓批係令我失望既,雖然好多藍莓,但有少少藥味,同埋個批唔香脆。
朱古力球可試,好似truffle咁,外層係朱古力加朱古力粉,內層係軟心朱古力。
其他比較普通係梳乎里(我試左紅莓梳乎里,但無紅莓味,只係得個甜字),草莓千層蛋糕,日式檸檬批,法式杏仁蛋白餅等等。
令我我估唔到既係,一d經甜品,如tiramisu同埋拿破崙,竟然無喎!
另外,環境同服務都抵讚!環境優雅,座位舒適,仲有live band;收碟斟水快,有問必答,仲充滿笑容,果然係五星級酒店!
Post
