Dazzling Cafe (皇室堡) (Closed)

今晚去完銅鑼灣街後便順便在附近食晚餐，而在皇室堡呢間Dazzling Cafe 係一間好選擇，主打台灣西式美食，環境舒適寬落，可以望到外面街景。辣味雞肉義大利麵一上檯就聞到香氣散發，配有九層塔等幾種香料，醬汁惹味，帶微辣，香甜濃郁，滲入雞肉當中，嫩滑彈牙，意粉炒得爽滑乾身，不黏身，入味可口。地中海炒菌菇熱騰騰，有本菇，冬菇，洋蔥等多種材料一齊炒，嫩滑多汁，口感爽脆清新，咸度適中，味道香濃惹味。繽紛冰淇淋鬆餅 值得一試的窩夫鬆餅，賣相美觀吸引，整成一朵花的形狀，甚有少女風感覺，士多啤梨雪糕奶滑香甜，鬆餅焗得香脆可口，蛋味香濃，忌廉綿密，配有煉奶醬，糖漿，士多啤梨醬等點來食，味道香甜而豐富。凡爾賽冰茶冰凍可口，面有玫瑰花花瓣，花味香艷，茶底香醇清新。百香果鮮柚茶柚子味道清新鮮甜，果味濃郁，同茶底味道好夾，飲落酸酸甜甜，是開胃之選。