Cafe Charm's (Closed)

最近多左去到深水埗，呢區都真係好多好野食，價錢平得黎，水準又高。想食咩款式既野食都有，小食、快餐、cafe、甜品樣樣齊。平日既下午茶時間，黎到西九龍中心。行行下街見到轉角位有間cafe，位置唔算起眼，不過望入去幾乎滿座。睇見餐牌上既窩夫好吸引，心大心細猶豫左一陣，最初都無入到去食，再同朋友行多陣街，行到有啲肚餓，於是乎梗係名正言順去tea一tea啦。兩個人分享左一個士多啤梨雪糕窩夫($78)，賣相好吸引。窩夫上面鋪滿士多啤梨同cream，上面仲有啲杏仁脆片。啲cream幾香滑，即使個人麻麻地中意食cream都覺得咁配搭唔錯。士多啤梨雪糕係正常既酸甜味，唔會係藥水味果種。窩夫都算外脆內軟，熱度剛剛好。兩個人分享，咁既水準，每人四十蚊倒就食到個tea都唔錯。