Cafe Aboong HK (Closed)

早前瘋魔一時嘅雪糕鯛魚燒，今日我終於有機會試到，最好就係等唔洗十分鐘就有得食啦~早排見好多朋友仔都專登去食一轉，不過因為當時係新推出，所以無時無刻都有好多人排隊，攪到我想到唔敢去買嚟試呀~今日剛好有事要到旺角一轉，小巴落車點就係店鋪對面，由於係剛剛開工，所以人流唔多。見到依個大好機會(我指唔洗排隊)，當然唔放過，即刻買一個嚟試啦~有吉士味同紅豆味選擇，我最後都係決定試食紅豆味~哈哈哈...睇住即叫即整，感覺都真係唔錯，好似好新鮮咁哦~等左幾條都係吉士鯛魚金金我嘅紅豆鯛魚終於出場啦~每一隻鯛魚燒配一串青提子朱古力再加入乳酪雪糕，只看賣相都已經非常吸引呀~整體上雪糕鯛魚燒口感都不錯，乳酪雪糕味道有點似益力多味，質地都算幾軟滑。新鮮製的鯛魚燒餅很脆口，而且不會太厚身。食完乳酪雪糕及半個鯛魚燒餅之後，好戲就在後頭，因為燒餅魚身部分入了滿滿的紅豆，再到脆口的魚尾，口感同味覺都唔錯。食完整條雪糕鯛魚燒都真係飽飽晒，可以化替一餐呀...哈哈哈！