喜茶 (Closed)

今次終於試到喜茶嘅雪糕， 今次條隊就排得耐過平時。 叫咗一個「茫茫雪糕杯」加波波， 朋友話飽， 所以佢就叫咗「芝芝金鳳脆筒」。 個「芒芒雪糕杯」， 特別叫店員波波要走醬， 因為唔想波波嘅汁太多， 蓋過咗芒芒汁嘅味道。 個雪糕係芝士+茶嘅味道， 但食到芝士味多過茶味， 定係我記錯， 個雪糕淨係芝士味？！？！ 點都好， 雪糕加埋波波先係32蚊， 比起坊間隨便食過雪糕都要4、5十蚊嘅香港， 呢個係十分抵食， 個份量仲要係多嘅。 最重要係， order完即刻就整比我， 唔使等！