霸嗎拉麵 (Closed)

我點左原隻龍蝦拉麵，真係好大隻🦞！店員一早已經將隻龍蝦整開幾舊所以食落都算幾方便。龍蝦d肉咬落去幾硬，應該係因為雪得太耐。食龍蝦身的時候可能因為已經開左邊容易煮所以都無咩雪藏味，只係覺得無咩鮮味，但係到食其他部份既時候，就好明顯地食到強烈的雪藏味，真係唔多OK囉。反而朋友果個豚肉拉麵就幾好食，舊肉夠大舊之餘又唔會整到好乾，反而有種炭燒過的香味。連個湯底都幾好，好濃郁但係唔鹹，飲多兩啖都唔怕。睇黎下次真係點返d普通款最穩陣。