阿詩瑪壹菌 (Closed)

外父生日，一行6人去食生日飯。太古城中心有得免費泊車。一去到餐廳，見到裝修都幾有雲南特色，環境唔錯。因為6：30pm 無咩人， 而且訂左位， 所以可以即時入座，亦都畀左間房我地坐， 其實上一次都係坐呢一間房。睇左套餐，但因為星期六日套餐較貴。於是決定散叫。第一個係 五福拼盤， 入面有連偶片，茄子，青瓜白肉卷，腐片，海節。最欣賞就係呢個拼盤，味道好，又精緻，而且夠6個人食。第2個係汽窩雞， 夠熱，同清，幾好飲。第3個 係 豬肉9菜餃， 皮幾薄。之後係金豆腐，可加汁食大蝦西蘭花，辣辣地， 因為叫左小辣肉絲薄餅，呢個就有少少咸。最後食埋個炒飯，好滿足。整體上所有食物都係中上質素，價錢中等， 算係抵食。會再來，成為日常飯堂。