雲南啊老表黑山羊湯鍋米綫 (上海街)

Open Now

Now Closed

行過佐敦，見到呢間"雲南啊老表黑山羊湯鍋米綫"，就突然好想食羊肉，見到呢間除左羊都幾多其他野食，一於試下。我哋兩人就叫牛羊雙拼酸辣米線(大碗)同水餃(韮菜拼白菜)同其他一啲小吃，有涼拌豆角，口水雞，麻辣豬耳朵，麻辣雞翼。枱面亦提供咗好多醬料可自行調配，值得一提佢嘅菜甫，爽口唔係度度都有得食，我鐘意食就食多啲！大碗既米線真係好大碗，同朋友share 食，試多啲唔同野食。米線入邊有唔少羊肉同牛腩，羊肉香口，牛肉就肥瘦適中，酸菜湯底都好正！食羊既朋友要黎試下呢碗羊牛米線。水餃可以揀雙拼，有白菜同韮菜水餃。真材實料，又大大粒，本身有醋點，唔點已經好好味，擺落米線一齊食仲好味。涼拌豆角爽口少辣。口水雞同豬耳朵水準！麻辣雞翼腌得夠哂入味。好滿足呀，捧住個肚走。