阿詩瑪壹菌 (Closed)

今日同呀媽係太古城行完街，準備食晚飯，就問下住太古既朋友有無咩推介。因為媽中意食中菜，所以就推介左黎呢度食雲南菜。唔講真係唔知呢度有間雲南菜，因為正門係太古城外圍，所以難搵啲，不過係走時職員教我地一條折徑，只要穿過廁所果邊就好快行到去太古城入面餐廳都算大，紅當當既裝修好有中國feel仲有兩三間私人房。見到啲bb椅，好得意，係香港其他地方唔會見到。餐牌上好多菜，花多眼亂，免得麻煩，所以揀左二人餐首先，有個氣鍋雞佢係利用蒸氣，透中間果個隆出氣而整熟啲雞同湯。湯清甜濃郁，好香，感覺好補兩個人，每人有一碗多。醬汁茄子醬汁甜甜地，似燒汁，茄子好林。小辣，木耳爽口，有啲蒜粒，更香。個人好喜歡牛肝菌，因為個味好香。呢碟有西椒、辣椒、蒜片同牛肝菌等。雖然望落去好似好多辣椒甘，但唔辣，西椒爽口。牛肝菌林林的，好入味，成碟好有鑊氣！糖醋裡脊有豬肉、西椒、蜜桃。第一次聽裡脊呢個部位，好林，好似梅頭肉甘。肉外邊炸脆，內林，個汁酸酸甜甜甘，幾開胃！上湯時蔬生菜，好爽口，個湯清甜，有蒜香味。玫瑰冰粉呢個甜品望落去好似去high tea飲玫瑰花茶甘，個杯好靚。個底係有啲好似啫哩質感既野，面頭有乾玫瑰花。好香桂花味，