大雲吞麵食 (Moved) New Location

行到有少少餓，入左黎hea下。睇下餐牌十二蚊碗又幾平喎，汽水都加六。 叫左雲吞麪加忌廉，三大粒，蝦爽口，唔錯。麪正無梘水味，湯底係一般嘅清湯，ok。 另一碗叫左水餃米，又係大大粒，有雲耳蝦等，爽口，不過我覺得雲吞好味啲。米比麪大碗，一樣係清湯底。再加左個炸魚皮，有一碗湯一齊上，咁覺上嗰碗係一碗味精湯，點左兩下就無再點。魚皮無鯹味，幾好幾大碟。 咁嘅價錢仲開大冷氣，環境唔迫又ok乾淨，值得再來。