十大碗粥麵專家 (豉油街) (Closed)

依間都算出名食雲吞麵，所以去試一試。- 蝦籽雲吞麵雲吞麵跟番傳統，雲吞係底，麵上再有蝦籽。麵條彈牙爽口，大地魚湯底都幾鮮甜，而雲吞就有成隻蝦，爽口彈牙。- 鮮鯪魚球麵鯪魚球大大粒，結實彈牙。湯底同雲吞麵一樣，都係咁鮮甜。- 三色腸粉 (鮮蝦，牛肉，叉燒)三色腸粉，鮮蝦，牛肉，叉燒各有一條，涵料都豐富。總體比較一般，冇乜特別驚喜。整體而言，蝦籽雲吞麵比較出色，其他就一般水準。