十大碗粥麵專家 (豉油街) (Closed)

醃蘿蔔係免費嘅，如果個醃蘿蔔時間再醃耐啲就會好啲（因為上一次嚟食嗰陣時個醃蘿蔔時間合食會美味d，今次好明顯係未夠時間所以比較硬淨）今次bunch叫咗雲吞麵，薑蔥豬膶撈幼麵，一碟炸兩，一碟牛肉腸。雲吞麵湯底係出色嘅，如果個麵再煮耐少少相信會更加美味（個人比較偏好淋小小嘅麵）薑蔥豬膶撈幼麵，豬潤非常厚切，亦冇蘇味, 友人覺得個麵煮得剛剛好，非常滿意。炸兩係脆嘅，可以自己加多醬少醬。但個人覺得牛肉腸相對更加出色。