博富麵館

Open Now

Now Closed

南昌薈係新落起嘅商場，多咗一個街市同埋好多商店，所以特登嚟試吓街市裏面嘅餐廳。主要見到兩間麵館比較多人食，又要想試吓鮮蝦雲吞，所以就揀咗呢間博富麵館。叫咗一碗鮮蝦雲吞幼麵，同一杯凍華田。等左大約5分鐘就上菜。鮮蝦雲吞有五粒，每粒都正常大細，裏面有鮮蝦同一啲肉碎，調味不錯，皮薄。麵方面就正正常常，冇煮得過熟。整體嚟講湯底比較普通，比起普通肉湯仲要淡，所以食落冇乜味道。另外有杯凍華田，已經叫咗少冰但係非常淡。埋單41蚊，呢個價錢可以有更好嘅選擇。