Video
Read full review
2021-06-12
284 views
再次黎到大埔墟覓食經過見到依間 開飯主義 試吓佢一望餐牌 呆咗 從來未食過一間餐廳可以咩地方菜式都有講緊港式 日式 印尼 泰式 越式 西式 韓式 台式😧睇menu都真係要睇一陣另外仲要有lunch/ tea set最後揀咗個鮮牛肉羅宋濃湯通粉 配香脆奶油豬火腿奄烈 ($52)飲品要凍檸茶冇影到個豬仔包 不過樣唔差 都幾大個 上面有牛油🧈煉奶咬落脆口之後依個鮮牛肉羅宋濃湯通粉碗望落細啲 但係因為個碗深 同埋佢幾滿 所以都夠食羅宋湯底非常正宗 材料豐富 有薯仔🥔紅蘿蔔🥕雜菜肉就有牛肉片同好似五香肉丁嘅肉絲味道都超級濃同入味 而且比較杰身 食落又甜又酸 仲有啲辣 我諗係用湯包/罐頭 所以先咁濃味🥫食食吓係有少少鹹嘅 但係都ok🍝至於通粉 佢唔係意大利式通粉／縲絲粉 而係港式嗰隻但係比起快熟通心粉厚身啲同大粒啲所以口感上幾唔錯 加上通心粉嘅特色係佢中間通心 可以好吸湯🐂牛肉片就一般 一半好韌 一半又幾淋可惜完全冇牛味 亦唔似牛肉 唔好食五香肉丁絲就反而好好食 肉超淋 有肉味 同湯好夾👍🏻-味道唔錯 一開始以為通常啲咁多菜式嘅餐廳都伏伏哋 因為唔夠專意外地佢依間全部都唔錯😋好勁服務態度都算好 姐
經過見到依間 開飯主義 試吓佢
一望餐牌 呆咗 從來未食過一間餐廳可以咩地方菜式都有
講緊港式 日式 印尼 泰式 越式 西式 韓式 台式😧
睇menu都真係要睇一陣
另外仲要有lunch/ tea set
最後揀咗個鮮牛肉羅宋濃湯通粉 配香脆奶油豬火腿奄烈 ($52)
飲品要凍檸茶
冇影到個豬仔包 不過樣唔差 都幾大個 上面有牛油🧈煉奶
咬落脆口
鮮牛肉羅宋濃湯通粉 配香脆奶油豬火腿奄烈
$52
13 views
1 likes
0 comments
碗望落細啲 但係因為個碗深 同埋佢幾滿 所以都夠食
羅宋湯底非常正宗 材料豐富 有薯仔🥔紅蘿蔔🥕雜菜
肉就有牛肉片同好似五香肉丁嘅肉絲
味道都超級濃同入味 而且比較杰身 食落又甜又酸 仲有啲辣
我諗係用湯包/罐頭 所以先咁濃味🥫食食吓係有少少鹹嘅 但係都ok
🍝至於通粉 佢唔係意大利式通粉／縲絲粉 而係港式嗰隻
但係比起快熟通心粉厚身啲同大粒啲
所以口感上幾唔錯 加上通心粉嘅特色係佢中間通心 可以好吸湯
🐂牛肉片就一般 一半好韌 一半又幾淋
可惜完全冇牛味 亦唔似牛肉 唔好食
五香肉丁絲就反而好好食 肉超淋 有肉味 同湯好夾👍🏻
-
味道唔錯 一開始以為通常啲咁多菜式嘅餐廳都伏伏哋 因為唔夠專
意外地佢依間全部都唔錯😋好勁
服務態度都算好 姐姐落單有耐性
環境就差啲 入面燈光唔足 好暗 然後俾人感覺好似污糟啲咁
價錢就非常抵食！全部都大概$50 大大碟 超足料 包你食飽 仲有飲品包添！
Post
