龍城餐館 (Closed)

下晝下午茶時間落九龍城搵食，見到近廣場度呢間新開嘅店，抱住一試嘅心態入去坐低，一睇餐牌內心已經唔係好妥，茶餐一碗丁麵加嘢飲差唔多五十蚊，下午茶餐魚蛋米 線三十蚊。。。當場已經想走，但老公又話落雨咪周圍搵，仲唔識死叫咗個$78蚊雜扒飯。。。係呀$78蚊呀。。。我就睇等佢嚟咗睇吓有冇伏先再決定落唔落單。。嚟到實在覺得得啖笑，雞扒牛扒都係好薄，薄都係重點，大家可以見到雞扒白雪雪，硬而帶有濃烈雪藏味，牛扒靱而柴皮，火腿+午餐肉+腸仔都唔係靚貨，老闆呀老闆。。。咁嘅質素收人$78，於心可忍呢？仲有個死鹹黑椒汁，點呀？質素同價格落差太大，唯一好處係樓面呀姐好主動招萊，但咁嘅質素想有回頭客，老闆實在太天真喇！