Video
Opening Hours
Mon - Sun
07:00 - 21:30
Above information is for reference only. Please check details with the restaurant.
原本想黎九龍城食個粉麵，見到呢間好新口面就姑且試下啦。入到黎個裝修都幾舒服，感覺上都幾唔錯。望下下午茶有咩食....嘩都好簡陋下....唔緊要，樓面姐姐話睇返早餐個麵餐黎揀，所有野一樣，仲有得揀酸辣湯或鮮濃豬骨湯。同男友嗌左個香煎豬扒米粉，同香煎雞球米線，樓面冇咩客都要等一陣。黎到.....ae......說好的鮮濃豬骨湯呢？個湯清到一個點，雞球白雪雪，豬扒好靭。Um.....建議盡快搞好食物質素，唔好浪費個裝修😂
continue reading
渣車落九龍地諗住搵個下午茶食下,轉左入獅子石道有位就泊低,咁岩停正係呢間野門口咪入去試下囉。。。想食下午茶,餐牌得3個簡,呀姐過黎先講話早餐果啲,1餸面都可以當下午茶,好啦,我兩個人食,簡左1碗 "豬扒 豬骨濃湯米粉"另一碗 "雞球豬骨濃湯米線"結果等左大約15分鐘先有杯野飲,再等多大約10分鐘先有兩個面食本身諗住試&填肚就算,但越食越覺得所謂豬骨濃湯真係伏到暈,所以不得不上黎打食評奶茶奶味太特別,感覺"似"過期奶豬骨濃湯米線,湯色透明,得少少咸味,完。。。我打食評嘅原因係,如果預期試伏嘅心態入黎食應該感覺會好啲😏
continue reading
✨#中女獨食難肥日誌 ✨#龍城餐館 #九龍城 #中女食九龍城 #木桶蒸飯路過這間餐廳，被毛筆字餐牌所吸引，大概好久沒有看到手寫毛筆字，感覺時光倒流幾十年🙈本以為是很老舊的一間餐廳，誰知店員說長開了一年，被毛筆字騙了😂不過都是gimmick，至少吸引了我們進來😅蒸飯都有不少選擇，店員說是即叫即蒸，不是快餐要等等呢，如果是好吃就值得等了😉..#蟲草花滑雞蒸飯 $48#田七雲耳肉餅飯 $48百物騰貴，九龍城平時吃個午飯真的不便宜，$48大大個木桶蒸飯其實好抵食！蟲草花香，雞滑，份量也不少！店員還問我們要不要湯，是有媽媽感覺的紫菜滾湯🥰朋友要了田七雲耳肉餅飯，我個人就不太喜歡田七的味道，但朋友說很好吃，肉餅份量也很多😜如果喜歡田七的可以一試，我還是覺得我的蟲草花滑雞蒸好吃😆但其實蟲草花滑雞是secret menu😂餐牌是沒有的！多謝店員姐姐告知，要試就問問店員吧！
continue reading
叫了一個早餐，發現很用心製作的多士，脆口沙爹牛麵是自家製的沙爹醬，比普通茶餐廳可，到處食到的沙爹湯底美味火腿奄列用的蛋看得出是即打的很有家的感覺試過附近好幾間餐廳，發覺最合心意的是這家以後會常常來這裡的有點失望的是自家沖的奶茶，所以叫了咖啡
continue reading
下晝下午茶時間落九龍城搵食，見到近廣場度呢間新開嘅店，抱住一試嘅心態入去坐低，一睇餐牌內心已經唔係好妥，茶餐一碗丁麵加嘢飲差唔多五十蚊，下午茶餐魚蛋米 線三十蚊。。。當場已經想走，但老公又話落雨咪周圍搵，仲唔識死叫咗個$78蚊雜扒飯。。。係呀$78蚊呀。。。我就睇等佢嚟咗睇吓有冇伏先再決定落唔落單。。嚟到實在覺得得啖笑，雞扒牛扒都係好薄，薄都係重點，大家可以見到雞扒白雪雪，硬而帶有濃烈雪藏味，牛扒靱而柴皮，火腿+午餐肉+腸仔都唔係靚貨，老闆呀老闆。。。咁嘅質素收人$78，於心可忍呢？仲有個死鹹黑椒汁，點呀？質素同價格落差太大，唯一好處係樓面呀姐好主動招萊，但咁嘅質素想有回頭客，老闆實在太天真喇！
continue reading