Video
Read full review
2021-02-07
4214 views
早排又去觀塘工廈覓食，呢間更係滿懷期待咁去，因為食過嘅朋友都讚不絕口。小店可供電話訂座，千祈唔好咁傻去walk-in呀。店內採用開放式廚房，可以望住廚師烹調食物，不過我地一行四人就無坐bar枱。店員嘅態度友善，早左去都畀我地提早入座，可惜其中一個主菜漏左單，搞到食完甜品又食返鹹食，撇除呢樣成餐飯都非常滿意，食物水準甚高。 🍽煙燻豬豬卡邦尼 Piggy Carbonara ($110)本身為西多士而黎，但再訪的話一定會食返呢個卡邦尼意粉！只用生雞蛋同芝士，唔落忌廉整個醬汁係成功嘅第一步，意粉亦夠彈牙，而且店家仲搞搞新意思附上鹹脆嘅芝士片。 豬肉用咗意大利煙肉、豬面肉同煙腩片，甜甜地帶濃濃嘅煙燻味，令意粉生色不少，我地一致贊成呢碟最好食。🍽慢煮伊比利亞黑毛豬西柚Sous Vide Iberico Pork Rack Grapefruit Drizzle ($188)黑毛豬鞍架好厚肉，份量唔大，面頭焦脆甜甜地，以慢煮方式烹調可鎖住肉汁，唔會太乾太柴。西柚汁酸酸甜甜幾開胃，不過就咁食舊豬已經相當唔錯，伴碟有烤薯仔片同法邊豆。🍽慢煮雞胸•羅勒•番茄醬•意大利飯 Sous Vide Chicken
🍽煙燻豬豬卡邦尼 Piggy Carbonara ($110)
本身為西多士而黎，但再訪的話一定會食返呢個卡邦尼意粉！只用生雞蛋同芝士，唔落忌廉整個醬汁係成功嘅第一步，意粉亦夠彈牙，而且店家仲搞搞新意思附上鹹脆嘅芝士片。 豬肉用咗意大利煙肉、豬面肉同煙腩片，甜甜地帶濃濃嘅煙燻味，令意粉生色不少，我地一致贊成呢碟最好食。
煙燻豬豬卡邦尼
$108
57 views
0 likes
0 comments
黑毛豬鞍架好厚肉，份量唔大，面頭焦脆甜甜地，以慢煮方式烹調可鎖住肉汁，唔會太乾太柴。西柚汁酸酸甜甜幾開胃，不過就咁食舊豬已經相當唔錯，伴碟有烤薯仔片同法邊豆。
慢煮伊比利亞黑毛豬
$188
46 views
1 likes
0 comments
慢煮伊比利亞黑毛豬
$188
48 views
0 likes
0 comments
意大利飯鋪上薑片幾特別，慢煮雞胸肉唔鞋，意大利飯可以再煙韌少少，番茄醬非常creamy，無其他菜式咁驚艷但都唔錯。
慢煮雞胸•羅勒•番茄醬•意大利飯
$120
41 views
0 likes
0 comments
期待左好耐嘅西多士，麵包煎到金黃色上枱，質感夠鬆軟濕潤，有淡淡嘅蛋香，配雲呢拿雪糕食有冰火交融嘅感覺，香蕉上嘅焦糖燒到好脆，整體黎講唔錯，美中不足係雪糕溶得較快。
焦糖香蕉•雪糕•法式多士
$82
48 views
0 likes
0 comments
店員介紹時話酸味會較明顯，帶微微果香。
冰滴咖啡
$48
18 views
0 likes
0 comments
唔受得太酸嘅朋友建議叫返鮮奶咖啡，味道會溫和啲，可以揀skimmed milk。
鮮奶咖啡
$38
13 views
0 likes
0 comments
Post
