Video
Read full review
2009-06-21
3 views
第一次見呢間嘢係喺尖吵咀, 嗰陣覺得佢個魚缸好靚, 不過一直都冇機會去試, 平時經開雅蘭, 淨係見到啲人排到打晒蛇餅已經怕怕, 但今日終於的起心肝同男朋友去試男朋友同我都係第一次食, 我地滿懷希望, 因為平時聽朋友講話佢地啲嘢好新鮮, 黑夜時段好抵食, 但我地未食完, 已經覺得唔會再有下一次排隊冇問題, 食平嘢梗係要付出架啦, 而且今日係星期六, 我地都預咗有排等, 時間比我地想像中快, 因為好多人等等吓已經走咗~~入到去坐低, 見到好多人都食壽司, 賣相真係唔錯, 份量亦幾大order完, 等咗一陣, 終於有得食, 我地order咗3 round, 3份刺身, 壽司大概10份, 感想如下三文魚壽司 - 賣相ok, 魚有油光, 但完全係冇魚味三文魚刺身 - 幾大塊, 但同樣係冇魚味我想講我咁大個女都未食過咁淡味o既三文魚.................帶子 - 中規中舉啦, 但唔算好新鮮海膽 - 我直頭係食到有異味....甘蝦 - 係餬口的美人魚 (蝦+三文魚) 壽司 - 我幾欣賞呢個配搭的, 但都係冇味囉唔知點解, 食唔到蝦味亦都食唔到有三文魚味............藍鯨吞拿 -
男朋友同我都係第一次食, 我地滿懷希望, 因為平時聽朋友講話佢地啲嘢好新鮮, 黑夜時段好抵食, 但我地未食完, 已經覺得唔會再有下一次
排隊冇問題, 食平嘢梗係要付出架啦, 而且今日係星期六, 我地都預咗有排等, 時間比我地想像中快, 因為好多人等等吓已經走咗~~
入到去坐低, 見到好多人都食壽司, 賣相真係唔錯, 份量亦幾大
order完, 等咗一陣, 終於有得食, 我地order咗3 round, 3份刺身, 壽司大概10份, 感想如下
三文魚壽司 - 賣相ok, 魚有油光, 但完全係冇魚味
三文魚刺身 - 幾大塊, 但同樣係冇魚味
我想講我咁大個女都未食過咁淡味o既三文魚.................
帶子 - 中規中舉啦, 但唔算好新鮮
海膽 - 我直頭係食到有異味....
甘蝦 - 係餬口的
美人魚 (蝦+三文魚) 壽司 - 我幾欣賞呢個配搭的, 但都係冇味囉唔知點解, 食唔到蝦味亦都食唔到有三文魚味............
藍鯨吞拿 - 塊魚薄到不能再薄.... 味道冇咩等別
醬燒三文魚 (個名大概係咁) - 只食到燒汁味
鰻魚 - 我冇食, 但男朋友話腥
記得o既係咁多, 整體冇一樣我覺得真係好食
食物出得太慢, 我地埋完單先發現有一碟嘢未嚟........ 好在仲未走, 張單仲要係英文, 大佬, 我鬼識晒啲嘢食個英文名咩...... 唔通要我拎住個menu對單咩.......
間嘢已經冇咩熱食提供, 唔明點解淨握壽司同切刺身都要咁耐....
overall, 抵食嗎? 我同意的, 但食物係有quantity但冇quality囉......
我唔知佢正價時段係咪都係用同一批食材serve客, 如果係就實在太揾笨
香港地, 時間就是金錢, 等咁耐都係想食餐好, 用咁多時間換咁o既嘢食, 價錢再平都冇用
Post