Video
Read full review
2016-02-15
5653 views
未講食肆, 先講吓d激氣嘢, The One個商場真係超黑人憎, 由加拿芬道入, 先要坐電梯, 上到四樓, 跟住行去轉另一部電梯, 再上十幾樓的食肆, 但只有兩部電梯可以上到13樓以上, 由按電梯制, 等咗我15分鐘, 電梯開門, 全滿, 再等十分鐘, 又開門, 九成滿, 點知慢了一步, 被兩個後面來的人衝了入去... 我頂吖!!!!! 真係想打人呀!!!!! 卒之攪咗半個鐘先上到樓... THE!!!! ONE!!!! 黑名單呀!!!!!!!!星期日中午12:45, 先去12樓的東海, 超多人排隊, 心諗... 利寶閣都唔方少人吧... 於是先上20樓的稻香貴價店"迎", 但都係好多人, 要等十多個號碼, 於是落翻17樓睇一睇先.... 哈!!!!!!! 竟然即到即有位... 心諗... 好耐無嚟了, 唔知質素會唔會差咗好多?????? 否則...點會唔使等位呢.... 食咗五百蚊, 但只影了最好味的兩幅相, 其中一幅是美味欖角骨, 好似的柚子蜜排骨的味道, 甜度頗高, 但加了一些豆豉, 份量不多, 但水準上佳, 如果全都是用一字骨就更好了.XO醬煎腸粉, 用類似韓國石鍋飯的鍋, 燒
星期日中午12:45, 先去12樓的東海, 超多人排隊, 心諗... 利寶閣都唔方少人吧... 於是先上20樓的稻香貴價店"迎", 但都係好多人, 要等十多個號碼, 於是落翻17樓睇一睇先.... 哈!!!!!!! 竟然即到即有位... 心諗... 好耐無嚟了, 唔知質素會唔會差咗好多?????? 否則...點會唔使等位呢....
食咗五百蚊, 但只影了最好味的兩幅相, 其中一幅是美味欖角骨, 好似的柚子蜜排骨的味道, 甜度頗高, 但加了一些豆豉, 份量不多, 但水準上佳, 如果全都是用一字骨就更好了.
XO醬煎腸粉, 用類似韓國石鍋飯的鍋, 燒得十分熱, 上檯時滋滋聲, 超熱, 非常香口.
這是全部食物的單據, 最差的牛肉生煎包, 包還算可以, 但饀料.... 還要寫上甚麼... "安格斯牛肉"... 真係笑大人個口, 牛肉被醃粉醃得全無口感, 還有一種醃粉的味道. 其他食物也不見得出眾, 無心情講了. 雖然男部長的服務態度不太友善, 但女店員還算可以, 最後我都比咗12蚊貼士, 算有良心了吧....
Post
